Sky726

今次黎到旺角呢間sky726，真係好似上左去sky咁呀，望出個落地玻璃既景，睇到曬180度既樓景，夜晚黎真係好靚，真係睇到一個五光十色既香港。就咁個景都已經值回票價喇！！！仲要有咁好食既西餐，同另一半黎慶祝生日／紀念日，真係一流！！叫左個dinner set，黎左個appetizer 乳酪先，酸酸味味咁，飲落幾開胃沙律夠曬新鮮，調味岩岩好，唔會太多汁，d菜色水都好脆綠，食落幾滿足，另外餐湯都夠曬濃郁，飲落好足味。之後就到個main dish主菜，就係30日熟成牛扒，叫左7成熟，出到黎都岩岩好，由於係風乾左既牛扒，所以食落都特別重牛味，香港真係好少見呢d熟成牛扒，肉質都算幾嫩口。甜品方面，心太軟勁好食，入面既朱古力都夠曬流心。