倫哥尊尚火鍋私房菜 (已結業)

到底又私房菜又火鍋其實即係點？😂 我就參透唔到喇，不過重點係任食之餘又物超所值囉✨ 三百幾一個人聽落好似好貴下咁，但食嘅都係靚嘢，一坐低已經即刻有盤刺身同鮑魚帶子等等靚海鮮歡迎你，然後再上雞煲，食唔到辣嘅我就挑戰下BB辣又接受到，呢個叫呀嫲雞煲顧名思義係倫哥呀嫲承繼落嚟嘅秘製口味，同出面比特別香，而且雞件本身質素都幾高，雞味濃夠嫩口，仲有得任食添😮.雞煲食到夠就可以叫侍應轉火鍋，鴛鴦湯都唔使另加錢，同埋係送個海鮮拼盤同牛頸脊過你，雖然碟牛就冇得任食，但海鮮果邊大蜆花甲海蝦龍躉脆鯇呢啲貴價料都可以任添，然後魚滑同餃類都係手工嘢唔係現成貨，私心推薦墨魚滑，超鮮味同彈牙而且仲有新鮮墨魚粒咁入面❤️.如果食量大嘅其實呢間真係幾易回本，至於我地就...淨係食佢初出頭果堆未食任食部分已經近飽😂 另外要提係呢度啲位幾闊落坐得幾舒服，唯一張枱好長傾計要講大聲啲囉😂