陳儀興尚潮樓 (英皇道)

營業中

休息中

香港唔算有好多潮州店，呢間算係比較有名的連鎖店，環境好靚既高級潮州菜。飯前飯後可以整杯功夫茶。廿年老菜甫豬肚湯，原來菜甫可以放廿年，會純d香d，可能個湯份量唔夠大，都略為咸咗少少。當然要叫鹵水鵝啦，鵝三寶有鵝肉，鵝肝同鵝腸。鵝肝入口即溶，鵝睇爽口入味，鵝肉鹵水味好香但係又唔會過咸，三寶既每一啖都食到好香嘅鹵水味，而且份量足夠，兩個人食非常滿足。潮州凍魚就食得多，好似大眼雞烏頭馬友等。但係今次店員介紹嘅係豆醬煮海沙錐，沙錐啲肉好鮮甜好滑，而且好有魚味，用埋豆醬煮，完全出乎我意料之外。食埋個瑤柱春菜煲，香港唔係好多地方可以買到春菜，再加埋大量嘅瑤柱，形成一個好有鮮味嘅春菜煲。今餐又魚又肉又菜，非常滿足。