黑木 (已結業)

情人節前夕同男朋友約左去黑木慶祝🥰餐廳由門口開始已經份外有情調～當然價錢亦唔係特別親民，但餐廳嘅服務，環境以及食物嘅質素都絕對值得呢個價錢～我同男朋友就簡左「享 日」套餐🥰一年一度嘅節日緊係要食番餐好嘅～前菜已經十分有驚喜～每樣配菜都十分精緻，而且食到日本當地居酒屋嘅感覺～特別係螺十分鮮甜，而且粒粒都多肉飽滿～👍🏻呢款係黑木自創嘅雞肉串（以生蛋黃作為醬汁）～老闆仲好好人甘向我介紹左呢個菜式👍🏻點上生蛋黃確實係令雞肉嘅味道更加突出而冇甘油膩🤤食完前菜就一路享受望住師傅係廚房一直為我地烹調串燒嘅畫面🥰等左一段時間，各式各樣嘅串燒都陸續呈上👍🏻包括唔同部位嘅雞肉串，每款都燒得十分惹味！燒翠肉瓜係我其中一款至愛❤️外皮少少脆而內裡照樣係充滿水分🥰煮物就係原隻豬腳～偏油膩左少少，但係配上海鮮湯就解左呢份油膩嘅感覺😛不得不講，豬腳食落口就好似食左好多骨膠原入口嘅感覺～一級棒👍🏻當日嘅海鮮就係一份燒魷魚，聞落十分香🥰食落都好爽口唔會太un😆最後要隆重推介嘅就係海鮮湯！真係好解膩之餘，可以飲得出入面好足料👍🏻搞到我都忍唔住問左老闆個海解湯係用左咩材料煮出黎～（用茶壺黎飲湯嘅設計都十分有趣😆）一望就個好足