大瀛喜日本料理 (已結業)

本身食放題都選價錢中上，因太多垃圾場，質素差，本身同朋友多去大喜屋，因確有保證，須然貴，今晚家姐生日，未決定去邊間食放題，妹妹提議去新個間，在朗豪坊對面，當時一刻確有擔心，因經常中招。我都從未寫過食評，但真令我要讚一讚，介紹俾人試下，一入到個場，真係好Grand，又闊落，帶位最初安排間房俾我們一家人，但見出面氣氛唔錯，咪問下可否轉出去，當時服務員話要安排下，等了十五分鐘終於可以坐出去，嘩，新場都坐爆，令我真要開始點食品，一睇order紙，飲品同大喜屋一樣，唔駛行出行入，本order簿已幾特別，即刻點沙律刺身，突然有個好像經理行來，問需唔需要幫你們準備刺身拼盤，我都幾愕然，你又知我們想食乜，但見你咁又誠意，即管試下，真係好足料喎，厚切三文魚和全部有頭甜蝦，其他都好新鮮仲要砌得幾靚，妹妹即刻俾相機食先，我即刻再點壽司和食，又幾特别，芝麻雞翼至愛又熱又脆，正，最尾點甜品，款式都比其他放題場都多，但太軟身，家姐勁like，我就嘛嘛，坐了接近三小時才有張單埋來，仲送埋Haagendazs,話生日優惠喎，唔係掛，街買廿幾蚊柸喎，埋單每位210，家姐話請大家，超正，我以後去旺角食反，一定要再試