海陽。居酒屋

營業中

休息中

K11 Musea賣點係裝修有格調，廁所更係指點要遊覽既地方🤣行左一圈揀左呢間高評分既餐廳，門口既接待侍應冷淡咁問左句有冇訂位，之後等左一陣，先帶我們去左近門口既座位入座 ，個下真心有種我無訂位嚟食係我錯既感覺...揀左吉列豬扒定食$218，話係用日本產既豬扒製成，豬扒好大塊炸至金黃色 ，厚度有吋零，食落外微脆內軟，有肉汁。天婦羅定食$228有3款鹽提供配沾天婦羅嚟食，天婦羅衣唔會好厚，有三隻蝦，其他係番薯、青椒個d例牌野，飯量好多。食物質素唔算驚艷，可能因為地段既關係，同價錢唔太成正比。