影片
更多
2021-06-08
70 瀏覽
前排同朋友食生日飯搵到一間裝修風格好特別嘅火鍋店，用咗四個唔同場景，分別係日本、法國、中國、土耳其，我哋就被安排咗係土耳其區域😍入邊嘅裝修都好靚，大至馬賽克燈、熱氣球場景，小至餐具擺設都別有用心。店員會首先送上調味料及涼拌小吃九宮格，特別推介右下角果個♦️自家製乾蔥油♦️炒得好香，令成碟醬油昇華不少⭐️蘋果木煙燻手切牛頸脊(細) $298一上枱大家都已經攞晒手機出嚟😂 煙燻味濃烈，油脂分布良好，既有咬口，也有一點入口即溶的感覺⭐️鹹蛋黃炒響鈴 $78起沙的鹹蛋黃，鋪滿係脆卜卜嘅響鈴上，邪惡至極。⭐️黑松露墨魚滑 & 手打蟹籽蝦滑 & 瑤柱乾貝滑(三拼) $128三款魚滑都十分彈牙：黑松露墨魚滑帶有香濃的黑松露味，亦是我的最愛。蟹籽蝦滑裡面有粒粒蝦肉🦐，特別爽口彈牙。乾貝滑好少有，但略嫌瑤柱味唔突出。⭐️餃子拼盤 $148叫評判就可以滿足晒所有願望，我自己覺得咁多款入邊最突出嘅係蟹肉餃，真係可以食到一絲絲嘅蟹肉，口感豐富。⭐️薏米水 $68亦都係好吸睛嘅一樣嘢，放咗喺地球儀入面🌎打邊爐嘅時候飲番杯薏米水潤下喉嚨就最好不過啦！其他配料唔算特別，所以放返個價錢喺度就算啦:⭐️花雕雞件 $88⭐️鹿兒島黑豚肉
前排同朋友食生日飯搵到一間裝修風格好特別嘅火鍋店，用咗四個唔同場景，分別係日本、法國、中國、土耳其，我哋就被安排咗係土耳其區域😍入邊嘅裝修都好靚，大至馬賽克燈、熱氣球場景，小至餐具擺設都別有用心。
店員會首先送上調味料及涼拌小吃九宮格，特別推介右下角果個♦️自家製乾蔥油♦️炒得好香，令成碟醬油昇華不少
⭐️蘋果木煙燻手切牛頸脊(細) $298
一上枱大家都已經攞晒手機出嚟😂 煙燻味濃烈，油脂分布良好，既有咬口，也有一點入口即溶的感覺
⭐️鹹蛋黃炒響鈴 $78起沙的鹹蛋黃，鋪滿係脆卜卜嘅響鈴上，邪惡至極。
⭐️黑松露墨魚滑 & 手打蟹籽蝦滑 & 瑤柱乾貝滑(三拼) $128
三款魚滑都十分彈牙：
黑松露墨魚滑帶有香濃的黑松露味，亦是我的最愛。蟹籽蝦滑裡面有粒粒蝦肉🦐，特別爽口彈牙。乾貝滑好少有，但略嫌瑤柱味唔突出。
⭐️餃子拼盤 $148
叫評判就可以滿足晒所有願望，我自己覺得咁多款入邊最突出嘅係蟹肉餃，真係可以食到一絲絲嘅蟹肉，口感豐富。
⭐️薏米水 $68
亦都係好吸睛嘅一樣嘢，放咗喺地球儀入面🌎打邊爐嘅時候飲番杯薏米水潤下喉嚨就最好不過啦！
其他配料唔算特別，所以放返個價錢喺度就算啦:
⭐️花雕雞件 $88
⭐️鹿兒島黑豚肉 $168
⭐️蜂巢豆腐 $58
⭐️薯粉 $32
⭐️水蓮菜 $68
⭐️雜菇拼盤 $78
最後都想講返呢度嘅服務態度好好，店員都好主動、有禮貌，帶咗生日蛋糕會主動問使唔使幫手雪，亦都冇另外收費！
張貼
