影片
更多
2019-07-25
138 瀏覽
作為一個鍾意韓國文化既小韓迷，平時都好鍾意周圍試唔同既韓燒餐廳，呢排係網上見到呢間韓珍燒烤評語唔錯，突地相約左一位友人放工後係呢到聚一聚。一黎到韓珍門口映入眼簾既就係韓珍同G-dragon既合照😳😳!!原來G-dragon之前黎香港既時候都係係韓珍就餐，睇黎迷妹們唔可以錯過呢間連G-dragon都認證既餐廳啦。店內位置十分寬敞坐得幾舒服，環境都係同一眾韓燒店一樣偏昏暗，同埋每張枱都有抽油煙，唔怕食完成身燒烤味。💁🏻♀前菜應有盡有，有涼拌芽菜，泡菜，魚糕腸仔，醃蓮藕，仲有個鐵板甜椒蛋。我地嗌左menu入面比較特別既八式珍味拼盤，單嗌一個拼盤已經足足有八種唔同既肉，岩哂食量唔大又想每樣試少少既朋友，當中有四色五花肉，姐係辣椒醬丶香草丶咖喱同黑椒口味。 因為我地揀既係豬肉set，另外四款肉就有護心肉、調味排骨、豬頰肉同豬頸肉。拼盤一黎到都忍唔住嘩左聲☺☺，幾種顏色既五花肉卷擺得又靚又整齊，外貌吸引非常適合食客們打卡。食落都不失所望，五花肉既肥瘦比例適中，燒完有好正既油脂香!😋四個部位既豬肉各有唔同既口感同味道，當中我同朋友都特別鍾意佢既招牌護心肉，較嫩口同重味。再跟返自己個人喜好點少少麵豉
前菜應有盡有，有涼拌芽菜，泡菜，魚糕腸仔，醃蓮藕，仲有個鐵板甜椒蛋。我地嗌左menu入面比較特別既八式珍味拼盤，單嗌一個拼盤已經足足有八種唔同既肉，岩哂食量唔大又想每樣試少少既朋友，當中有四色五花肉，姐係辣椒醬丶香草丶咖喱同黑椒口味。 因為我地揀既係豬肉set，另外四款肉就有護心肉、調味排骨、豬頰肉同豬頸肉。拼盤一黎到都忍唔住嘩左聲☺☺，幾種顏色既五花肉卷擺得又靚又整齊，外貌吸引非常適合食客們打卡。食落都不失所望，五花肉既肥瘦比例適中，燒完有好正既油脂香!😋四個部位既豬肉各有唔同既口感同味道，當中我同朋友都特別鍾意佢既招牌護心肉，較嫩口同重味。再跟返自己個人喜好點少少麵豉、油鹽同醬汁，更加帶出惹味。
不得不提就係呢到既staff服務好周到，上拼盤時會問我地想自己燒定佢幫我地燒，我地當然留返俾專業人士燒，staff好細心地一直留意我地，就快食完一種口味就開始燒另一種肉，咁多款野食仲有前菜，真係食到唔停口！👍🏼
炸醬麵頗有驚喜，係韓國當地食既炸醬麵都未必有海鮮，但呢間竟然有埋墨魚仔，更加有鮮味，麵質少少彈牙。
牛油果沙津入口清新，牛油果偏硬身唔係熟到林哂個種，但就少左個份油膩感，生菜蕃茄仔加埋凱撒醬，岩哂消化返頭先既肉類。
無論食物質素定係服務質素，呢間韓燒都有一定水準，最後兩個人食到攤哂腰咁滿足。雖然兩個人食左八百幾蚊，但份量絕對足夠三個人食，除返開都係每人二百幾。想同朋友坐耐啲一路韓燒飲酒傾計，呢到係一個好選擇！
張貼
