金城。漁

營業中

休息中

因舊樓重建金城轉到新位置經營，環境變得更光鮮闊落。同時因為下午茶時段，食客亦不算多。老闆先前提到瓦煲當未送到，故今天仍然未能試到煲仔麵。最終揀左雞脾配金磚去紓緩一日工作壓力。(落單時待應已經好有心咁提配雞脾即炸需要較長時間預備)結果熱奶茶都好快嚟左，可以慢慢飲住等。15-20分鐘後食物終於到。一上碟已經聞到厚切西多及牛油的香味，新鮮炸起的熱度令牛油自然融化滲入金磚中，金磚配埋蜜糖更一流，內餡都完全填滿花生醬。雞脾同樣有陣熱氣冒出，一上枱時仲有啲油泡仔喺表面。雞脾份量大，外皮炸得卜卜脆，切開雞脾同咬落去時都仍有肉汁流出。