牡蠣小屋

營業中

休息中

今日同男朋友去到牡蠣小屋，一入到去好有日本風乾淨企理，係可以慢慢享受嘅環境。牡蠣小屋當然要食牡蠣！我哋叫咗兩款生蠔，分別試左真蠔同岩蠔。真蠔雖然唔啱時候，會瘦小小，但係比較爽口，啱一啲小食生蠔嘅人，而岩蠔夏天食啱哂，偏肥美，超級CREAMY。值得一讚嘅係師傅洗開得好乾淨，一啲蠔殻都冇，送到上枱啲蠔仲未死，唔洗落調味料都得，啖啖新鮮滿足，啱哂蠔迷。另外仲叫咗拖羅，$380六片，每片都好厚，真係好肥美，做到入口即融，男朋友食得十分滿足。