影片
更多
2020-03-06
2762 瀏覽
馬場洞係韓國首爾一個出哂名食燒牛嘅地方，好多烤肉迷都有去過，原本下個月我地嘅韓國之旅都有安排，可惜疫症關係，旅程取消左，難免失落。得知沙田新城市開左間以馬場洞為名嘅燒肉店，都好期待一試以為個個都係留喺屋企食居多，估唔到商場嘅食肆都幾full，呢間燒肉店都要等位。入座方知道，原來餐廳係新麻蒲旗下，咁質素都有一定保證。枱面上有烤爐、三款調味料同清水。有別於傳統韓烤店，未見礙眼嘅一碌碌獨立抽風機，但烤爐嘅抽風本身做得唔錯，所以食完都唔會有油煙味，值得一讚。入座後，店員好快送上前菜小碟，分別有帶甜不辣嘅泡菜、新鮮開胃嘅沙律菜、菠菜、芽菜、炸麵包粒，可以無限任添揭開餐牌，款款都想試，除左主打嘅1+韓牛西冷、1+韓牛後腰肉、菲力牛排，都有一般嘅肉類好似牛肋排、霜降牛肉等。以1+韓牛後腰肉為例，定價$328/500g。心大心細嘅話，可以考慮2人套餐，人均約250蚊。除左烤肉，亦有一般嘅韓食例如炒年糕、炸雞、湯麵、拌飯、煎餅、石鍋飯等。菲力牛排 $228/150g點選菲力牛排，牛排肉厚身，即刻相機食先。我們喺燒肉方面係外行人，按店員建議，先由大廚操刀輕輕處理牛肉，原來廚師會以高溫細燒牛肉並切件，咁樣有
枱面上有烤爐、三款調味料同清水。有別於傳統韓烤店，未見礙眼嘅一碌碌獨立抽風機，但烤爐嘅抽風本身做得唔錯，所以食完都唔會有油煙味，值得一讚。入座後，店員好快送上前菜小碟，分別有帶甜不辣嘅泡菜、新鮮開胃嘅沙律菜、菠菜、芽菜、炸麵包粒，可以無限任添
揭開餐牌，款款都想試，除左主打嘅1+韓牛西冷、1+韓牛後腰肉、菲力牛排，都有一般嘅肉類好似牛肋排、霜降牛肉等。以1+韓牛後腰肉為例，定價$328/500g。心大心細嘅話，可以考慮2人套餐，人均約250蚊。
除左烤肉，亦有一般嘅韓食例如炒年糕、炸雞、湯麵、拌飯、煎餅、石鍋飯等。
菲力牛排 $228/150g
點選菲力牛排，牛排肉厚身，即刻相機食先。我們喺燒肉方面係外行人，按店員建議，先由大廚操刀輕輕處理牛肉，原來廚師會以高溫細燒牛肉並切件，咁樣有助鎖緊肉汁。
可以見到牛肉仍保持嫩紅色，外層焦香，客人只需按個人喜好再加以燒烤即可。牛肉肉味香濃，難得咁厚身口感都咁嫩腍，絲毫唔韌。肉嘅質素好，只需加少少岩鹽調下味，都已經好正
Majang特選黑毛豬頸肉 $148
豬頸肉都好驚喜，份量唔少，肥瘦各半，上枱時肉已經輕輕切開。豬頸肉厚身，肥得黎完全唔膩口，燒至焦香，完全係我杯茶
藥膳養生石鍋飯 $138石鍋飯即叫即煮，標榜以京畿道利川大米製作，配上松茸、銀杏、松子、香菇、豆類等食材，分開上枱。
店員可以幫忙將材料混合，加少許醬油、麻油即可享用。飯粒分明，味道是預期之中的清淡，以菇菌的香氣為主。
可惜今次只係得瓜地兩丁友，試唔到太多烤肉，等疫情過去，一定再約朋友黎大燒特燒！
張貼
