馬場洞烤肉專門店 (新城市廣場三期) (已結業)

沙田依間韓式湯飯，湯大大碗，泡菜任Full，淨係食個湯都已經好飽食唔落飯，平日食食中菜日本菜食到悶悶地，同朋友簡簡單單食個韓式湯飯都不錯，價錢又唔貴。我地分別叫左一個脊骨土豆鍋及豬肉泡菜鍋，脊骨大大件，非常入味，啲肉炆到腍腍地，唔係鬆散果隻，係好易入口的。豬肉鍋豬肉份量又好多，泡菜湯又酸酸辣辣，好開胃…查看更多

Lunch 食過幾次，味道還可以，價錢合理，今日再食，非常之失望。話說～前一天已電話book枱，9人一起午餐。服務員安排了2張4人枱，其中5人要迫一張4人枱，坐得勁迫眼見店內還有幾張吉枱，要求男服務員換枱，男服務員拒絕，還要態度囂張：「個個客人都係咁坐架啦，其他枱已有人book °」但真係太迫了，冇理由食飯要咁辛苦，之後唯有拉隊走人，點知男服務員樣子勁囂張：「多謝晒，拜拜。」之後細聲講：「由得佢哋走囉，個個都係咁坐架啦。」唉！呢啲咁嘅食肆，就算幾好食都假啦，未食已經一肚氣應該冇下次啦！…查看更多

呢間韓餐可以任食前菜，除左燒肉，亦有set lunch, 好多選擇！🥘牛肉牛骨濃湯配飯 $88奶白色嘅湯好清甜，牛肉好嫩！帶少少筋位，好軟腍❣️🥘牛胸肉大醬湯配飯 $88大醬湯好濃味，撈飯好正！牛胸肉好厚肉，連骨同肥膏，好重牛味！📍 馬場洞烤肉專門店 (新城市廣場三期) (沙田)沙田沙田正街18號新城市廣場三期3樓A311號舖…查看更多

餐廳環境開揚舒適，可以燒烤，可以套餐或單點！配菜亦是韓國食品的標準之一，這家的泡菜非常容易入口，辣中帶甜！令人愈食愈上頭！配菜可以無限加添哦～🍲石鍋魷魚拌飯（$88）熱騰騰的石鍋內，配菜色彩豐富，讓人食慾大增！米飯上有排得整齊的紅蘿蔔、豆芽、波菜、翠瓜、蛋、魷魚切成小塊，拌入韓國辣醬是石鍋飯的靈魂，可以根據個人口味調整。入口清甜帶有魷魚的鮮味與爽口，健康又美味！🥢牛肉牛骨濃湯配飯+熱茶（$88）由牛骨長時間熬煮而成，湯中會含有骨髓和牛肉的精華，濃郁且滋味！牛肉片只有4塊，分量偏少，但配上韓國配菜，是一口接一口，開胃得很！…查看更多

💰Total $327 HKD / 2人 (午市)~~~~~~~~~~~~~~~~~~~~~~~~~~~~~~係沙田行街行到肚餓想搵個地方食lunch，之前就有朋友介紹過新城市廣場三期有間韓國餐廳幾抵食，所以就決定去試下。《馬場洞烤肉專門店》係一間主打韓國燒肉嘅連鎖餐廳，佢地提供唔同肉類部位嘅燒烤套餐以及韓國地道料理🇰🇷。餐廳環境闊落乾淨，一坐低店員就會先遞上三款韓式小菜，包括係泡菜，魚餅同醃洋蔥。我地兩個人就決定叫兩個餐加多款炸雞小食，份量非常多，味道亦十分好。~~~~~~~~~~~~食物介紹~~~~~~~~~~~~🤩午市一人牛肉套餐🥩 ($153 HKD)•韓式調味牛肋骨肉80g•牛膈肌80g•牛肋骨50g•烤大蝦伴雜菜🦐雖然係一人餐，但份量足以我地兩個人share食都食到好滿足。牛肉雖事先醃製過，但並唔會太重調味料嘅味道，所以仲會食到肉本身嘅鮮味。相信餐廳對入貨嘅都係有要求的，所以並唔需要用好重嘅調味去醃肉。蝦食落都係係新鮮彈牙，唔會咬落口好「梅」。🤩石鍋牛肉拌飯 追加蒜香醬油無骨炸雞 🍗($144 HKD)呢份牛肉拌飯份量啱啱好，拌飯醬唔會太辣同太鹹，食完都唔會好口渴。拌飯嘅配菜料都幾多，食落每一啖都有肉菜飯。追加嘅炸雞都十分高質，唔會好厚炸粉，但咬落依然香脆，而個醬汁味道恰好，唔會食完好膩。~~~~~~~~~~~~~~~~~~~~~~~~~~~~~~💰性價比唔錯🇰🇷鐘意食韓國茶同烤肉嘅人要來試下🤤會再encore…查看更多