影片
更多
2019-04-30
123 瀏覽
難得嚟到葵芳食嘢，今次食嘅唔係去葵廣，而係去隔離嘅新都會廣場到搵食。呢一間丸十日本食堂主打日本高級料理，既有燒烤料理又有各種魚生壽司丼，可以話想食咩嘢就有咩嘢。喺前菜方面嗌咗一個自家製鰻魚玉子燒。要睇一間日本餐廳係唔係高質素就要睇下究竟廚師識唔識得整玉子燒。玉子燒來到之後帶有一種鰻魚嘅鹹香味，而蛋本身嘅蛋味亦都相當濃郁。錦上添花嘅係個玉子燒亦有少少蛋汁，令到食起上嚟冇咁乾。第二樣嘢食嘅係雜錦魚生壽司漢堡。呢個漢堡最神奇之處係佢唔係用一般嘅漢堡包作為基礎。首先將日本飯粒搓成一個圓形嘅面同底，跟住再燒烤佢之後變成一嚿鬆脆嘅飯焦，配上中間嘅魚生同埋小許嘅蔬菜食落去另有一番口感。跟住我哋仲食咗丸十彩虹卷，中間唔同魚生嘅配搭配以唔同嘅蔬果例如牛油果等等令到成件壽司嘅層次感相當分明，極具特色。主菜方面試咗個極上鮪魚丼，聽聞係呢間餐廳嘅主打菜式。上咗之後亦不負所望，魚生嘅色澤相當亮麗亦充滿油脂，份量較大，食落去每嚿魚生都有相當新鮮嘅味道。 最後喺甜品方面我嗌咗個阿法奇朵，一開始見到菜單以為係一件小小嘅雪糕是不知大有驚喜。原來佢唔知係雪糕 ，仲係一件可以玩嘅雪糕！喺享用前顧客先需要將熱騰騰嘅咖啡倒入凍
喺前菜方面嗌咗一個自家製鰻魚玉子燒。要睇一間日本餐廳係唔係高質素就要睇下究竟廚師識唔識得整玉子燒。玉子燒來到之後帶有一種鰻魚嘅鹹香味，而蛋本身嘅蛋味亦都相當濃郁。錦上添花嘅係個玉子燒亦有少少蛋汁，令到食起上嚟冇咁乾。
第二樣嘢食嘅係雜錦魚生壽司漢堡。呢個漢堡最神奇之處係佢唔係用一般嘅漢堡包作為基礎。首先將日本飯粒搓成一個圓形嘅面同底，跟住再燒烤佢之後變成一嚿鬆脆嘅飯焦，配上中間嘅魚生同埋小許嘅蔬菜食落去另有一番口感。
跟住我哋仲食咗丸十彩虹卷，中間唔同魚生嘅配搭配以唔同嘅蔬果例如牛油果等等令到成件壽司嘅層次感相當分明，極具特色。
主菜方面試咗個極上鮪魚丼，聽聞係呢間餐廳嘅主打菜式。上咗之後亦不負所望，魚生嘅色澤相當亮麗亦充滿油脂，份量較大，食落去每嚿魚生都有相當新鮮嘅味道。
最後喺甜品方面我嗌咗個阿法奇朵，一開始見到菜單以為係一件小小嘅雪糕是不知大有驚喜。原來佢唔知係雪糕 ，仲係一件可以玩嘅雪糕！喺享用前顧客先需要將熱騰騰嘅咖啡倒入凍冰冰嘅雪糕入面，咁就可以食到半傭半兵又有咖啡香濃味同牛奶味嘅雪糕啦。 總括然而呢間呢一間丸十日本食堂我覺得相當有驚喜，如果住係新界西嘅朋友可以過去一試。
張貼
