福丸水產 鉄板燒 日本料理 (已結業)

今日放假同friend去左荃灣行街，行過百悅坊見到好大個福丸嘅平面banner，見新開幾吸引咁就去左食晚餐。黃金蟹膏甲羅燒，有勁多蟹膏同蟹籽，燒嗰時撈埋鵪鶉令到成個甲羅燒更加香口，食落口感好豐富。燒鮑魚，好大隻，上嘅時候鮑魚仲識郁好生猛，燒完食落煙煙韌韌，非常鮮甜！鐵板龍蝦，切到一粒勁爽口彈牙，仲有好多膏，非常大隻！福丸炒野菜，味道比較清，木魚碎、雜菜、紅蘿蔔絲、雜菇令到成碟菜顏色好豐富。大阪風唐提炸雞，即叫即炸，火喉炸到啱啱好，食落脆口又唔會覺得油膩，雞肉都幾嫩口。薄切海鮮沙律，薄切魚生好鮮，沙律酸酸甜甜好醒胃。浦燒鰻魚，鰻魚非常肥美，浦燒鰻魚汁令到成條鰻魚加分唔少。壽喜燒，牛肉鍋材料豐盛，加埋生雞蛋落去成個鍋味道更濃郁，食落暖笠笠，牛肉肥瘦啱啱好！