弄 · 燒 (已結業)

間店喺深水埗細細間唔起眼，但試過就知係用心製作。装修，點餐紙都好特別。首先食咗個蕃茄沙律。簡單菜式但好驚喜。味道唔係平時食到既配搭仲有啲紫蘇葉絲，好香好味。再點咗燒青椒仔同燒茄子。都好好味燒得剛好。係茄子既芝士多少少鐘意比較濃味就啱晒，但整體味道配搭加埋味噌味，同茄子本身好入味燒到好淋，好味。最後有個明太子雞丼，雞肉上一層明太子再燒咗個面好香。仲有彩色配菜見到都開胃。整體都好味。係啲雞肉似啲包裝肉，如果係店自己整自己燒既雞肉應該會好味啲。全餐都唔錯,服務都好好。下次再去試埋其他野食！