亞萊泰 (淘大商場3期) (已結業)

亞來泰其實之前食過好多次，不過都係黃大仙分店食午餐。 黎呢間食晚餐都係第一次。九龍灣分店位於淘大商場露天部分的地下位置。夏日優惠精選餐牌都幾吸引$118就食到一條明爐烏頭。午餐都經常捧場的海南雞就當然唔少得。菠蘿冰： 飲落味道係天然，但淡左少少。泰式海南雞 （半隻）$98跟醬油、辣汁、薑蓉半隻都幾有份量。雞肉超級嫩滑，雞皮部份好薄，中間仲有啫喱部分。鮮青檸明爐蒸烏頭魚 （夏日優惠價）$118 烏頭魚好大條，魚形盤都比一般泰國食店的大。青檸調味好開胃，夠酸微辣。悶熱夏天食就最適合。馬沙文咖哩牛腩 $80 可選魚或雞 椰汁味好香，比較濃稠。蒜蓉包 $30 共4條，做到外脆內軟。整體份量好大，而且味道水準穩定。$400都唔洗的確唔錯。