亞萊泰 (淘大商場3期) (淘大商場3期)

營業中

休息中

今次第一次試這間餐廳，香茅豬扒會有汁醬？ 不是乾身嗎？亦沒有香茅味！味道的確與別不同…但我不喜歡！ 豬扒又乾又硬…似隔夜的豬扒…..價錢要$94…一啲都唔值，好恐怖的飯盒！這樣的餸怎可能讓人吃！

同公公慶祝生日，連同公公一家人一齊喺樓下食飯。我哋5大1小叫咗個6人餐。個餐入面，無論湯，主菜、飯面以至甜品都好多選擇，因為要就個女，所以都盡量揀左啲唔辣嘅餸，雖然全場人好多，但食物都有水準，其中花膠海鮮炒粉絲超足料；咖哩包外脆內軟，點咖喱一流；馬拉盞炒通菜惹味唔鹹，可惜最後冇影到個甜品，係牛奶燕窩，唔會太甜整體份量都好大，屋企人其實已經好大食，但係最後都食唔晒，感覺7、8個人，最後都係要打包😹

放工諗住食好小小，之前有買過呢間雙併飯，豬手併豬扒飯，價格已加到$92，包一柸飲品，加左價冇問題，盒飯裡豬扒有一塊，都冇問題，豬手居然只有豬皮，一粒仔肉(真實)，後悔冇影底，真心激氣，後知後覺，應該拎番去問問，我係要豬手併豬扒吾係豬皮囉。。。冇豬手咪出聲，我可以轉其他，所以勁差。。。。

Intro: 九龍灣淘大花園人流真係好多，當中有唔少餐廳，今次就揀左亞萊泰做午餐，發覺呢到嘅menu選擇都多，仲有特飲做選擇～___________________🍽 香辣金不換豬頸肉炒茄子配香米飯💰 64 （+8轉珍珠奶茶）⭐️6.5/10✍🏻 黎到嘅時候發覺賣相麻麻地，用左小碟去裝豬頸肉炒茄子，再一碗白飯，賣相大扣分；✍🏻 不過勝在豬頸肉份量多，同茄子一齊炒得好惹味，帶點辣，油膩度相對高番少少；✍🏻 茄子每舊都好厚肉，茄子內水份夠多又爽口；✍🏻 香米飯姐係白飯一碗，但粒粒分明，係靚嘅泰國香米，撈飯都唔錯；✍🏻 珍珠奶茶偏甜，珍珠粒粒分明有咬口，但奶茶底只係普通嘅香港奶茶，有點失色；___________________🏠 亞萊泰 Aroi Thai📍 九龍灣牛頭角道77號淘大商場3期地下G266-270號舖⭐️ 6.5/10___________________

坐在水吧旁邊枱，叫旁邊職員落單寫野，扮聽唔到，叫多幾次都唔理，唔風得閒忙緊都講野，啞係度唔出聲！係要人地大大聲投訴先有人黎落單，我黎服務消費，咁態度唔會再來光臨本店

🥢🇹🇭🥣$398 - 飽肚泰式2人套餐▫️免加一▫️晚市飲品買一送一🔘泰式串燒4串（豬/雞）豬雞各2串，吾知係咪燒得過熟定燒完擺左好耐，雞肉完全硬晒冇汁，豬好少少冇甘硬但都好乾。配搭嘅沙嗲汁都冇沙嗲味只有花生味。🆗泰人大頭蝦冬蔭湯(細）個湯都大碗，比左好多菇，同埋一隻開邊大蝦。但呢個冬陰功湯好鹹，雖然酸辣味都有，但食完呢餐飯成晚要係咁飲水。☑️招牌蛋咖喱海蝦枕頭包呢個推薦！真係幾好食，個包好軟熟，亦都烘熱左，皮會脆脆地。蛋咖喱好味道，蛋花好靚，椰汁味濃，甜甜地又唔辣，點面包一流。而大蝦炸過，有5隻幾彈牙，裏面仲有三色椒絲同洋蔥絲。☑️馬拉盞炒通菜好大碟，菜仲脆綠，味道好正好惹味，有大量蒜香加埋微，愛上食菜🥬☑️椰汁珍多冰/椰汁紅豆冰🥥 -$32椰汁味濃，好飲。紅豆同埋珍多冰一條條嘅野數量好多，幾q彈。🥲甜品冇上到，我地都吾記得左問

叫咗個菠蘿飯，份量少到阿媽都唔認得。搵經理理論，結果一堆解釋，因為菠蘿中間很淺，所以比少d飯上去。不停解釋。諸多解釋。.....................

過黎九龍灣替假一日，放LUNCH見呢間都多人食，諗住實安全，即唔會難食得去邊啦🙂見餐牌都多選擇，點知推門入到去就有啲不安，地下都幾污糟垃圾未清理😓😓😓仲好多黑色不明污漬，可惜面皮薄無立即轉身走，之後坐低叫左個海南雞飯（有骨），唔知係咪知我想快啲走，個飯唔熱既🫠🫠🫠啲侍應放單都係掉過黎，個飯都係好大力「拍」上枱，嚇左一嚇，唉，成餐飯搞到好唔開心，好後悔點解之前無睇食評就嚟🫣早知食個老麥算啦

今日同阿仔學完結他，阿公阿婆又嚟左接佢，就一行五日去食個Tea,不過其實係early dinner,因為飽到之後dinner都食唔落。呢道地方寬敞，好光猛，淺色系裝修，淺木質桌椅，櫈有厚軟墊，坐得舒服。我哋今日重有大卡位坐，重正！馬沙文咖喱牛腩飯牛腩好淋、好入味，個馬沙文咖喱汁好香，一d都唔辣，送飯食一流。馬沙文咖喱雞扒飯雞扒外層有烤焗過，層雞皮有蜜汁，香脆。個馬沙文咖喱汁好香，配飯食好正。海南雞飯黃油雞飯唔夠香，不過飯質粒粒分明，海南雞算滑嫩，加埋食海南雞既三寶醬食，好夾，好味。喇沙肥牛豆卜湯河個湯底好香味，小辣，帶有酸味，河粉好滑，肥牛又薄又有牛味，配埋豆卜食，啲湯汁朔晒入去，正！泰式扎肉湯河河粉好滑，湯底香濃，扎肉算厚，最驚喜配幾舊豬油渣，個麵嘅層次即刻提升左，好有口感。每個個Tea份量都唔少，個個都有配飲品，飲品有凍檸茶、凍檸水、奶茶、杏霜，全部正常，不過不失。

約咗外國回港的家人，家人想吃回從前的味道，她十分喜歡的芥蘭苗？鹽焗盲鰽！可惜失望了。魚細條了好多 菜炒得偏咸，反而豬手保持水準。普遍味道有點不同了，唔知道點解連咖喱嘅辛辣🌶️感覺也變得冇咁好可能回憶才是最好味。🐷豬頸肉OK但係菠蘿炒飯亦都縮咗水😮😮⋯⋯ 全餐飯最好味嘅，就係個豬手 同炒通菜！濕炒豬肉河炒貴叼麻麻😒😞😞魷魚唔好食😞

吃泰國菜，太熱天氣，選擇了冷檬粉，酸酸甜甜味度很好，配了春卷及雞翼，另外叫了一個炒檬，味度及餸都多，只是比較油膩。今天驚喜是冰凍椰汁糕，半層椰菓底，上層椰沖糕，加上甜椰絲，吃一味有三個層次。

如果要喺淘大商場食齊晒咁多間餐廳，我諗都要成十幾廿次，因為真係想試吓唔同嘅嘢，所以決定每間都食一次～😤今次又係下午茶時間，晚飯前係咁以食啲嘢先。睇餐牌見到下午茶有角色泰式河粉、船粉、海南雞飯之類，佢亦為咗吸引一般人加入咗港式下午茶。🇹🇭爹哋話大人細路都一定揀到啱嘅嘢食，就呢間啦。🥸我就食漢堡包薯條，漢堡包插咗技泰國旗仔，睇賣相就好普通，不過不得不提嘅就係佢漢堡包嘅醬汁，係泰式沙律醬佢混合咗少少酸少少辣，非常咁惹味😝😝，就算我係細路，但係都啱啱好食到，放心放心😝另外就要講下個火車頭雜錦湯河，乜餸都有，份量仲好足，個湯底非常之有味，配合河粉非常之一流，下次嚟我都一定會再食。👍🏻海南雞飯就普普通通，合格啦～四個人$200，平均每人$50 ，差唔多啦。

🥢🇹🇭🥣價格親民，滋味泰菜▫️晚市飲品買一送一▫️免加一🆗 明爐冬蔭鮮魚片鍋 - $108明爐就係有個火係下面熱住，吾會變凍。鍋好足料，有吾少魚片，好滑而且冇骨。另外仲有大量椰菜同秀珍菇，配搭冬陰功湯底，個湯仲可以飲，但略嫌唔夠濃味，而魚片、椰菜同菇全部都唔入味，好似臨上菜先撈埋一齊甘。☑️ 金不換豬頸肉炒茄子 - $88呢個好香口，但比較油膩，見到好多油。豬頸肉有5大塊，煎得好香但吾夠脆口，而茄子用油泡過，與金不換一齊煮很有泰式風味，微辣惹味。☑️ 椰香青咖喱牛腩 - $88除左牛腩，這款可以選要魚柳或雞肉。呢個一大碗上，超多汁，撈幾碗飯都得，而且個青咖喱汁真係好味，椰香十足，又吾會好辣，牛腩都算多，仲有紅蘿蔔條、翠玉瓜同金不換，全部都煮淋左同夠入味。☑️泰式小食拼盤（小）-$88拼盤有4款菜式，分別是泰式春卷，蝦餅，魚餅，鳳凰丸，每樣都係一件切開二件，其實每樣都係得一件，有少少貴，但真係好味嘅。全部都新鮮炸起，熱辣辣但又吾會好油，彈牙得黎本身調味都已經好好，配上泰式辣醬，更香口更添風味。☑️泰式鮮蝦金邊粉 - $88金邊粉有花生碎、青檸提供，面頭有幾隻蝦仁，都幾新鮮爽口，而金邊粉亦炒得十分均勻

呢日去左淘大嘅AROI THAI食lunch，午市有套餐竟然有自選雙拼飯，揀左海南雞拼酸辣鳳爪。可以一次試兩款餸都唔錯，雞肉夠嫩滑，皮薄，鳳爪味道正常。冬陰功豬手炒飯啲個飯值得推介，冬陰功豬手其實好少見，酸酸辣辣好惹味，豬手嘅肉都好多，整體份量都唔細，一個人會食到好飽，好滿足。唯一挑剔係有點油膩。價錢方面亦十分抵食，自選雙拼飯$68；冬陰功豬手炒飯$60，凍飲加3蚊，重點係唔使加一🤑。味道不俗，份量足，價錢合理，算係非常不錯嘅選擇。

開左好多年 質素始終甘好 我心目中嘅咖喱天花板 下午茶價錢實惠好抵食 埋單81 青咖喱小辣 口感好清新 唔會heavy 有椰汁香 泰式河粉都好好味 有好多種泰式香料味道👍🏻豬扒唔會柴 見到waitress會抹出風口嘅灰塵。👍🏻