影片
更多
2022-09-01
23 瀏覽
係旺角白布街，門面有簡單木系日式感覺，樓㡳高，雖然店名叫做立燒，但係唔需要”立”，餐廳有左右兩排座位同中間一張大枱，台面非常闊落，枱下面仲有好大空間可以擺野，坐得舒服。牆上面貼左d日本poster，餐廳食物相，又有一張介紹牛部位既圖，旁邊bar枱附近有日本典型居酒屋既木桶啤酒，夠晒情調，就算係自己一個人黎食都可以盡興。主要有兩款選擇，燒肉或火鍋，同行友人揀左燒肉，我就梗係試個涮涮鍋。另外可以單點加追加，雞腎、墨魚咀、牛肚都非常推薦。餐廳無茶水提供，建議梗係嗌番杯酒要啤一啤，，職員首先送上前菜，日式味付白鱔加芝麻青瓜，味道不錯。阿久根和牛涮鍋$148原來一set除左胸腹肉、三角肌肉、肉眼A4之外，仲有烏冬、雞蛋、長蔥、菇、高麗菜、蘆筍、豆腐、紫洋蔥、冬粉、仲有隻雞蛋！好豐富。全部放晒落去一鍋燒，最後打埋隻雞蛋落去，一邊飲酒一邊傾計，好有日本風情，氣氛唔錯。特別推介，三角肌肉，油份夠牛味濃，鍾意油花和牛既朋友另外單點追加。極尚和牛定食$168肉眼A4、西冷、牛肚、牛舌、飯、沙律、脆瓜前菜、面豉湯。燒肉又是另一種食法，餐廳有提供鹽同燒肉汁（比較甜），另外台面亦有三款辣粉，原味、蒜辣、洋葱辣，
牆上面貼左d日本poster，餐廳食物相，又有一張介紹牛部位既圖，旁邊bar枱附近有日本典型居酒屋既木桶啤酒，夠晒情調，就算係自己一個人黎食都可以盡興。
主要有兩款選擇，燒肉或火鍋，同行友人揀左燒肉，我就梗係試個涮涮鍋。另外可以單點加追加，雞腎、墨魚咀、牛肚都非常推薦。
餐廳無茶水提供，建議梗係嗌番杯酒要啤一啤，，職員首先送上前菜，日式味付白鱔加芝麻青瓜，味道不錯。
阿久根和牛涮鍋$148
原來一set除左胸腹肉、三角肌肉、肉眼A4之外，仲有烏冬、雞蛋、長蔥、菇、高麗菜、蘆筍、豆腐、紫洋蔥、冬粉、仲有隻雞蛋！好豐富。
全部放晒落去一鍋燒，最後打埋隻雞蛋落去，一邊飲酒一邊傾計，好有日本風情，氣氛唔錯。特別推介，三角肌肉，油份夠牛味濃，鍾意油花和牛既朋友另外單點追加。
極尚和牛定食$168
肉眼A4、西冷、牛肚、牛舌、飯、沙律、脆瓜前菜、面豉湯。燒肉又是另一種食法，餐廳有提供鹽同燒肉汁（比較甜），另
外台面亦有三款辣粉，原味、蒜辣、洋葱辣，其實三款都唔算好辣，總有一款啱你口味。個人幾鍾意燒牛舌，牛舌薄身，點埋蒜味辣粉，好夾。唔使講，牛舌好食，其他牛部分都唔會差得去邊。
另外追加既雞腎、墨魚咀等等都係比較適合燒黎食。
餐廳有一個位置擺放左消毒搓手物品，亦好細心提供口罩套。另外餐廳只收現金，同埋係唔需要加一（咁先係日本餐廳gama！）。
以一百蚊左右既價錢可以食到高質和牛，又找到一個好地方，約朋友又得自己一個又可以盡興。
張貼
