一瀧 (已結業)

個個都去日本，唔通我又有得去日本咩。最近打開IG，全部都係朋友仔去日本嘅Story🥹，好羨慕但係又未得閒去，唯有近近地係香港食下日本餐望梅止渴先。呢間位於銅鑼灣嘅高級日本餐廳，主打江戶時代裝修風格，暗黃燈光配搭雅緻裝潢，用餐環境舒適。✨御上前壽司盛$398一客壽司盛裡面有黑睦，銀鱈魚，北海道白海膽，牡丹蝦配蝦膏，昆布醋鯖魚卷等等各1件，一分錢一分貨，整體質素確實全部有中上嘅omekase級水平，當中個人尤其中意甘香及滿滿膠質感慨牡丹蝦配蝦膏，同埋出名係日本最靚海膽嘅北海道白海膽壽司，貌相澎湃誘人，入口清雅鮮甜，令人齒頰留香。✨鰻魚鵝肝墨魚汁卷$188肥嫩鰻魚配搭厚切鵝肝粒，魚脂混合鵝肝嘅獨有濃厚香氣，有種啖啖都好奢華嘅感覺，西日合壁嘅混搭頗有驚喜。✨一瀧唐揚炸三瀨雞$78加入咗墨汁嘅黑漆漆炸雞，貌相甚為型格，炸層極薄，酥脆中帶點微微獨有嘅煙韌感，內內則是嫩滑多汁，搭配顏色神似腐乳醬嘅自家特製醬料，令人一食難忘，係暫時喺香港食過最好食嘅唐揚炸雞。*建議炸雞可以配搭上一杯玩味十足嘅清甜桃香泡泡Ice Tea，解膩解油，同炸物好夾。