影片
更多
2017-06-26
133 瀏覽
去到銅鑼灣嘅「西餐大排檔」，餐廳係上樓形式，屬於高尚嘅茶餐廳，位置都好方便，一出電梯已經見到大大隻燈光招牌，非常耀眼。入到去餐廳店員安排我哋坐窗口近門口位置，兩個人仲要坐四人枱，所以位置非常寬敞，環境十分舒適，餐廳中間有個水吧，而且餐廳幾乎爆滿。見到餐牌都有不同嘅套餐選擇，但係我哋比較鍾意散叫，所以先叫咗前菜「乳酪蝦仔蛋沙律」，先食下啲蔬菜醒下個位先，沙律入面除咗有一粒粒嘅碎蛋之外，仲有一粒粒嘅爆珠，我最鍾意食呀！估唔到會係沙律度出現，但係食落去又夾到喎，而且蔬菜非常新鮮，撈埋黎食一流呀。「炸蝦多士配菠蘿」，賣相非常吸引而且多士非常大條，仲有切左一粒粒嘅菠蘿，兩樣夾埋黎食都好match，切落去入面好鬆軟，外脆內軟幾特別。之後食個「黑毛豬熱脆包」，賣相都好吸引，好香嘅麵包，炸到脆卜卜，入面夾住一大塊黑毛豬，好大件！足夠兩個人食，我哋一人切左一半試吓，麵包入面夾住唔同嘅配料，連埋啲配料一齊食好滋味呀。菠蘿唔太酸，食落去幾甜，又係開胃之選。食咗咁多嘢都覺好頸渴，我哋一人叫咗杯「西柚汁」同埋「橙汁」飲，飲完好爽呀。之後叫左佢哋餐廳推介嘅「燒牛脷」，好大件，而且份量好多啊，聞落去好香口，就咁睇都
去到銅鑼灣嘅「西餐大排檔」，餐廳係上樓形式，屬於高尚嘅茶餐廳，位置都好方便，一出電梯已經見到大大隻燈光招牌，非常耀眼。
入到去餐廳店員安排我哋坐窗口近門口位置，兩個人仲要坐四人枱，所以位置非常寬敞，環境十分舒適，餐廳中間有個水吧，而且餐廳幾乎爆滿。
見到餐牌都有不同嘅套餐選擇，但係我哋比較鍾意散叫，所以先叫咗前菜「乳酪蝦仔蛋沙律」，先食下啲蔬菜醒下個位先，沙律入面除咗有一粒粒嘅碎蛋之外，仲有一粒粒嘅爆珠，我最鍾意食呀！估唔到會係沙律度出現，但係食落去又夾到喎，而且蔬菜非常新鮮，撈埋黎食一流呀。
「炸蝦多士配菠蘿」，賣相非常吸引而且多士非常大條，仲有切左一粒粒嘅菠蘿，兩樣夾埋黎食都好match，切落去入面好鬆軟，外脆內軟幾特別。
之後食個「黑毛豬熱脆包」，賣相都好吸引，好香嘅麵包，炸到脆卜卜，入面夾住一大塊黑毛豬，好大件！足夠兩個人食，我哋一人切左一半試吓，麵包入面夾住唔同嘅配料，連埋啲配料一齊食好滋味呀。菠蘿唔太酸，食落去幾甜，又係開胃之選。
食咗咁多嘢都覺好頸渴，我哋一人叫咗杯「西柚汁」同埋「橙汁」飲，飲完好爽呀。
之後叫左佢哋餐廳推介嘅「燒牛脷」，好大件，而且份量好多啊，聞落去好香口，就咁睇都煎得好香脆，而且每一塊牛脷上面都有黑椒粒，食落去更加惹味啊，估唔到咬落去啲牛脷好「林」，而且有好濃郁嘅牛脷味道，必食之選。
因為我同我朋友都係牛魔王，最後我哋叫咗個「燒牛仔骨」，燒牛仔骨都好大塊有兩大塊，薄薄地幾好食，而且好容易切，咬落去除咗有肉位，仲有牛筋位，所以食落去有口感而且有質感，好快我哋就食晒了。
食咗咁多嘢梗係要叫番個甜品嚟試吓啦，我哋就叫左一個「原個菠蘿雪芭」，賣相非常吸引，真係用完個菠蘿上的，打開個波蘿蓋入面有好多菠蘿雪芭，而且雪到非常硬身，夏日炎炎食呢個消暑非常正，食落去真係有好鮮菠蘿味道，放入即刻溶化，爽！
最後食咗咁多嘢，都係差唔多＄800埋單啊，一個人只係＄400左右，就食咗咁多正嘢，下次會再試吓第二啲菜式。
張貼
