555
18
11
港鐵銅鑼灣站 F1 出口
繼續閱讀
營業時間
星期一至日
12:00 - 22:30
以上資料只供參考, 請與餐廳確認詳情
招牌菜
食家推介
雖然銅鑼灣都有好多西餐，但係要有一間好食價錢又大眾化嘅都唔容易。 好彩朋友介紹咗我一間西餐大排檔，佢好近銅鑼灣地鐵站， 地點夠曬方便。因為近排都幾熱，所以一嚟就叫咗杯紅豆冰，佢上面有好多cream，個賣相都已經好吸引，唔似一般茶餐廳咁 ，又多冰，上面又冇cream，見到都唔想飲。 但呢杯紅豆冰啲紅豆好大粒， 椰汁紅豆同埋忌廉分佈都非常平均， 絕對唔係一般普通嘅紅豆冰。 另外前菜我哋叫咗燒生蠔， 隻生蠔燒到半生半熟，食落去非常滑 。加上上面有芝士，味道啱啱好 ，以為食完隻生蠔冇啦，點知原來生蠔下面會有紫薯蓉 ，非常 surprise ，因為好少見有燒生蠔會配埋紫薯蓉 。都主菜喇，我哋叫咗個燒美國雞扒配鮑魚， 上面係松露白汁，估唔到個汁同雞扒係咁夾，可能因為自己好鍾意食呢個汁啦。 最重要係竟然配埋鮑魚，呢個配搭非常之新鮮，第一次咁樣食 。雖然今次叫嘅嘢食唔多，但每一樣我哋都好滿意，希望下次再嚟試多啲嘢食啦。
繼續閱讀
今日想同大家分享一下大排檔質素嘅高級西餐廚師精選套餐$988/2位 精選套餐$480 （4位起）其中一位生日之星有半價（唔需要出示身分證因為365日都有人生日）兩個餐都有海鮮盤有湯有頭盤同埋任揀主菜2/5款 餐飲同埋是日甜品最後我哋叫咗3個2人餐其實整體上味道係可以接受嘅但係價錢同埋用了就差好遠海鮮盤質素好差.. D蠔瘦到一個點.. 啲蝦係霉同埋冇味既..當中因為冇蟶子用咗第二樣嘢代替.. 係有雪味同埋質感似橡筋.. 煙燻鮑魚算係最好食...我哋全部都揀黑松露蘑菇湯..味道ok笑點🤭連殻食法國田螺.. 原來佢將隻田螺擺入去一個現成嘅酥盒入邊.. 🤣黑松露年糕.. 忌廉汁松露醬年糕😅👎🏿當時全間餐廳得3枱...主菜我哋揀龍蝦不過是日冇龍蝦..會用兩隻大蝦代替不過頭先凍盤嘅哈係梅嘅所以我哋決定唔要...跟住要羊架又話得一份.. 我哋要咗兩份西冷扒兩份黑毛豬同埋一份燒魚...羊架..西冷同黑毛豬係冇乜味嘅可能因為太多汁... 又可能因為心理作用...一向認為靚嘅肉係唔使用汁既.. 我對魚有私心所以條魚我覺得係最好食嘅... 配菜全部都係紫薯蓉..甜品係芒果啫喱芝士蛋糕..我最鍾意啫喱所以過到關雖然聽落好似好多嘢食但係我只可以講味道OK...但係材料質素絕對唔值呢個價錢... $3260 3個2人set...💰💵💷💶💴💸💰
繼續閱讀
難得可以忙裡偷閒，加上經常經過銅鑼灣，同另一伴去左一間本地好地道既中西合壁既西餐，主打大排檔特色既西餐廳。個名叫做西餐大排檔，去到目的地之後見到紫藍色既霓虹燈既招牌。好似時光倒流番去八十年代香港街外佈滿霓虹燈招牌既繁華境況。入到餐廳內，已經有一位應該係餐廳既老闆親自招呼我地，好快就有位坐。餐廳入面既裝潢都帶有懷舊，八十年代既特色。就連水壺都係用緊一般大排檔用緊既水壺。坐底一陣已經諗好食咩！蕃茄雜菜湯 好傳統既西餐湯，飲到好濃烈既蕃茄味，其次湯頭入面好多菜，大約有洋蔥蓉，椰菜，紅蘿蔔。當中印中令我比較深刻係紅蘿蔔，大多數紅蘿蔔都係煮到軟身，但呢個湯既紅蘿蔔會比較硬身，有咬勁。味道方面酸中帶鹹，份量都相當足夠。相當唔錯！忌廉黑松露湯 上菜後已經聞到好濃烈既黑松露味，可以用芬香樸鼻黎形容。湯入面有大量既黑松露，當中包括蒜泥，忌廉，橄欖油，再以忌廉調味已經突出到黑松露既美味。整碗湯我最欣賞忌廉既拉花，大多都係以點狀去裝飾，但我好欣賞廚師以直線形去拉花，以吸引大家既眼光，令到一碗本身價值不菲既湯更有特色！白汁黑松露年糕 外貌上絕對係一個精品菜式，黑松露汁岩岩好包住年糕，一來可以保溫，二來由於汁醬充滿覆蓋年糕，味道得以平均，唔會令到味道有絲毫偏差。味道方面，年糕比市面上售賣更薄，但相當更有嚼勁，更Ｑ彈，可以媲美日式年糕。其次黑松露汁有奶油，洋蔥點綴，令到味道更豐富，當中更食到洋蔥甜味，證明洋蔥有經過炒既處理，口感更上一層樓。份量剛剛好，足夠二人食用。米酒海鮮 呢個菜式絕對算係我最中意食既菜，有機會學我一定會學，實在太好味道！新鮮海鮮以米酒烹調，其次米酒以洋蔥，蕃茄，白蘑菇，紅蘿蔔混合，令到米酒揮發湯汁更加鮮甜！海鮮當中有經過挑腸界花既中蝦，大蜆。中蝦經過處理後方便撥蝦殼，蝦肉爽口彈牙，界花位就好似微型既湯匙一樣，將鮮甜既湯汁一同包含係蝦肉入面，令到本身鮮甜既蝦味道更加豐富。大蜆係烹調既時間拿捏非常好，恰到好處，仲會依附住殼內，太耐會導致殼肉分離，二來美觀扣分。當中要一再讚賞廚師，因為蘑菇要烹調一段時間先可以入味，但今次食到既白蘑菇係粒粒都食到好鮮甜既菇味，更好似一舊海棉，吸收哂湯汁！如果有一碗飯比我會更好，湯汁送飯絕對係一流組合！就算做飯桶都值得！黑毛豬 菜式可以用經典，用料突出，食法新奇黎形容。因為當侍應姐姐上菜，我心有疑問，為何黑毛豬扒已經有其他配料黎襯托，旁邊仲有一小碗新鮮菠蘿，真係令我百思不得其解，我就直接問老闆為何有咁既配搭，原來新鮮菠蘿可以令到豬扒味道更突出，食法就一小塊菠蘿再加以一小片混合食用，食法好特別，所以好印象好深刻！豬扒採用左有筋部位置，咬落口軟中帶硬，更有爽口，口感三重感受，我個人都幾中意。味道方面，以黑椒，鹽調味。簡單就係足夠！火龍果雪芭 當甜品呈上後，見到一個火龍果以紫薯襯托，當中用左士多啤梨汁伴碟，色彩突出更吸晴！其實咁大個人都係第一次食雪芭，原來雪芭用新鮮水果冷藏至結冰後磨成沙冰，比雪糕更健康，當中更食到少許酸乳酪味道，味道好吸引！如果有多一個就更加完美！整體食物水準，上餐速度都好高水準，當上菜後老闆都係親自介紹菜式，令我地對菜式更深刻。侍應姐姐更以殷勤態度招待我地，做到賓至如歸！令我印象深刻，我下次會再黎光顧！
繼續閱讀
西餐大排檔 已經做左我地喺 銅鑼灣嘅飯堂，無論係中午、夜晚，只要係去開銅鑼灣，又想搵個坐得舒服、食物質素又高嘅地方，就會自自然然黎到尼度。今次都唔例外，我地11點幾就到左，因為好早，餐廳重未有好多客，我地揀左個玻璃窗位，陽光曬入黎好舒服，加上餐廳播住歌，成個人好relax，雖然得我同朋友2個，但我地都叫左唔少野。我之所以成日黎尼度，有一半都係因為佢地個海鮮拼盤 ，夜晚同中午都有供應，午夜 加 HK$55 就可以叫一份，尼個真係 超 級 推 薦 ，如果可以嘅話，真係想叫多份，因為質素極高!個海鮮拼盤 有鮑魚、生蠔、鮮蝦、日本帶子、聖子刺身...每樣都好新鮮， 刺身下面有冰，食起上黎有冰涼，夏天黎食,真係岩晒~~加上刺身本身肉質超鮮甜，食落啖啖都係享受!鮑魚口感好軟熟彈牙;帶子超清甜、嫩滑，配上餐廳自製嘅蜜糖芥辣汁，真係一流! 尼度嘅set lunch好抵，會包餐湯、蒜蓉包，餐湯次次都係真材實料!今次係椰菜花黑毛豬湯，湯入面有一小粒一小粒椰菜花蓉，口味清新，重好香黑毛豬香味，加上蒜蓉包一齊食，非常唔錯!見到個set lunch有得揀 牛仔骨配鮑魚，立即心心眼揀左，都只係$118，牛仔骨個肉質香甜，味道好豐富、入味，咬落去口感鲜嫩，煮得岩岩好，一D都唔會韌，旁邊有D草菇仔，令整體變到好清新，而且好欣賞佢地用蕃薯、蕃茄黎做配茶，D蕃薯蓉好清甜，睇得出餐廳落左心思，健康又好食!! ~朋友係食肉獸，佢話個 燒美國牛肉眼 好似為佢而設甘呀!個牛肉眼上枱已經勁香，有種聞到令人肚餓嘅吸引力，餐廳幫我地整到7成熟，外層燒到微微香脆，內裡肉質鮮嫩，而且重啖啖肉!每次食完都好唔捨得走，期待下次再黎!
繼續閱讀
中午過左銅鑼灣搵朋友食飯，來到了位於渣甸中心7樓的西餐大排檔。餐廳裝修格局整齊，午市餐牌選擇頗多元化，每週都會更換新的Lunch Menu是日餐湯係番茄火腿湯清甜！蕃茄蓉粒增添口感，好飲啊蒜蓉包金黃香脆，好香口濃郁既蒜蓉味和牛肉漢堡扒配鮮魚柳、聖子及蘑菇汁 賣相吸引，份量十足！和牛漢堡扒軟滑，牛肉味香濃，好想用來夾漢堡包食😂😂鮮魚柳肉身夠嫩滑，魚皮香脆，形成外脆內嫩的感覺淡蟹肉咖喱配帶子海鮮大會同另外一個餐一樣有鮮魚柳帶子鮮甜彈牙淡蟹肉咖喱配海鮮非常匹配，海鮮愛好者不容錯過呢！兩個主菜均伴有羽衣甘藍和紫薯蓉，紫薯蓉香甜軟滑，非常健康的啊最後的餐飲質素正常大滿足的一頓午飯喔
繼續閱讀