首首.韓式小館 (已結業)

黎到灣仔友人先話想食韓國野，隨便openrice搵咗下，就搵到呢間開在利東街，好大機會係高檔野，openrice就話間野個名係“首首韓式小館“，但其實黎到門口都見唔到中文字，係“bistro scoul”😂服務員好好，主動問我地要唔要調去卡位最大路嘅一定係拌飯，所以叫咗個燒牛肉拌飯，比想像中大碗，有驚喜嘅係牛肉夠實，唔會好似cheap野咁鬆鬆散散，配菜清新。醬料分開上，味道係好重嘅，所以落少少已經足夠酒悶豬腩肉，略嫌唔夠酒味，濃d就好，但整體都唔錯，唔咸嘅，可以唔配主菜食。夠lum，而且配菜十分夾，每塊葉都塗咗香料，夾埋洋蔥豬肉食，中和油膩，而且味道會更豐富。雞翼係友人無論去咩餐廳都要點嘅，呢款雞翼美中不足就係有d黐牙。味道就帶甜，口感唔乾，可以一試。我幾喜歡海鮮煎餅，中間帶子夠爽，味道有d似泡菜味，好開胃，配埋火箭菜食，酸辣得黎帶少少澀。雖然擺耐咗，但外皮仍然帶脆滿足嘅一餐，食物睇得又好食，雖然係貴價地段，但價錢唔算離譜，而且服務員好友善沒有擺款，值得一讚