雲來軒 (已結業)

今日放工同朋友食大餐，由於我一直好想試呢間中菜但係成日唔齊人，今次終於有得試啦！我一早就訂左位所以一去到就入得，侍應亦安排左卡位俾我地，坐得舒舒服服。我最想試嘅就係呢個懷舊濟公焗蟹砵，第一次係雜誌見到已經覺得好特別，自己又從來未試過咁樣食蟹喎，openrice見都多人食，真係充滿期待黎咖！！好彩冇令我失望，主要肉蟹配雞蛋、再加入配料陳皮絲、咸蛋黃粒同油炸鬼片，超級多材料。焗到金黃色，賣相好吸引，味道方面同賣相一樣好。我地先食啲蟹肉再慢慢撈飯食埋啲蛋、咸蛋黃粒同油炸鬼，好滿足，真心推介必試菜式！呢款水芺蓉蒸明蝦球係侍應小姐介紹，本來都唔多想又多碟蛋嘅菜，不過話係TVB節目嘅得獎菜式就試下啦。碟蛋好大碟，一黎到我地都嚇左一跳，口感方面真係極度嫩滑，仲有啲蛋香，廚師果然係堅呀！好想問下佢係點蒸到咁輕咁滑頭盤胡麻鮮淮山，感覺特別，無諗過淮山可以同麻醬一齊食，仲要係頭盤，胡麻醬好濃好香同時淮山夠爽口清甜，夾得幾好，做前菜夠開胃朋友至愛，因為唔夠分，我只係食左小小，都唔錯幾新鮮唔似冰鮮通菜用石鍋上，未埋檯已經聞到好香，熱熱咁食好正