Stella's Bar & Restaurant (已結業)

一間用英文名字Stella 's bar & restaurant, 但係食法國菜，咁得意既，望入去客人不算多，但裝修得有Soho 西餐廳格調，仲有浪漫既情調，決定入內一試，拍拖好去處😍 先黎自家制既熱哄哄麵包，當然配以法式食法，橄攬油，黑醋喇，又熱又脆，正👍跟住叫咗兩個starter , 63C溫泉蛋，炒雜菌，松露忌廉汁，蕃茄芝士沙律，黑醋汁. 溫泉蛋生熟度恰度好處，並冇過熟，雜菌，松露配以忌廉汁，松露既濃濃味道配以味道清淡雜菌，溫泉蛋，配合得宜，唔錯😋 至於蕃茄芝士沙律，賣相好靚，可能個人喜好，黑醋好鬼好味😋 至於主菜就叫咗松露意大利飯，賣相亦係靚靚，薄薄芝士片鋪意大利飯上，黑松露有獨特味道，不能放太多或太少，會直接影響到整體味道，其實煑意大利飯有難度架，好似好簡單，但要控制飯既軟硬度，佢做到喎，係意式意大利飯，不是港式，good 👍，今晚選擇正確💃💃