影片
更多
2018-06-14
241 瀏覽
母親節同屋企人黎到呢度食飯慶祝*真係估唔到係朗屏站天橋下面有間甘"骨子"既平民西餐廳！Book左715 都要等一陣因爲前面張枱未走睇睇Menu 6個人食就揀左個4人餐頭盤要左黑毛豬沙律Main course 就揀左肉眼扒同BBQ Ribs!仲有兩個意大利飯再加多個原隻豬手配set!跟4人餐既野菌蟹肉湯好唔錯啊！鮮甜加真係食到蟹肉沙律既黑毛豬就麻麻地唔夠乾身同醬汁配搭唔太夾。反而呢個金沙脆薯條幾特別喎又用時下興既咸蛋黃！香！頭盤既帶子都煎得香口。讚！到主菜喇！大大份牛扒！真係好大份😂味濃偏咸上面既黑椒鹽過多蓋過牛肉本身既味而Ribs就幾好喇！BBQ汁入味而且肉比預期多👍🏻值得一提既係佢主菜旁邊既橙色既蓉！經過一番試味，覺得佢應該係蕃薯蓉黎！好特別！清甜解漏！好少餐廳會甘用心思唔用傳統既薯仔。抵讚！之後係豬手。味道都係偏咸喔(係甘食側邊果pat蕃薯蓉😂)蟹膏蟹肉大蘑菇意大利飯！我就幾喜歡喇。但屋企人就覺得腥。不過舊大蘑菇就大家都認為幾好！配芝士好香野茹味。最後一個係黑松露大蘑菇虎蝦意大利飯黑松露味係重既個飯都好creamy , 但係因為食到後面已經好飽食唔落😂唔好以為已經食完！仲有最後既甜
真係估唔到係朗屏站天橋下面有間甘"骨子"既平民西餐廳！
Book左715 都要等一陣因爲前面張枱未走
睇睇Menu 6個人食就揀左個4人餐
頭盤要左黑毛豬沙律
Main course 就揀左肉眼扒同BBQ Ribs!
仲有兩個意大利飯
再加多個原隻豬手配set!
跟4人餐既野菌蟹肉湯好唔錯啊！鮮甜加真係食到蟹肉
沙律既黑毛豬就麻麻地唔夠乾身同醬汁配搭唔太夾。
反而呢個金沙脆薯條幾特別喎又用時下興既咸蛋黃！香！
頭盤既帶子都煎得香口。讚！
到主菜喇！
大大份牛扒！真係好大份😂味濃偏咸
上面既黑椒鹽過多蓋過牛肉本身既味
而Ribs就幾好喇！BBQ汁入味而且肉比預期多👍🏻
值得一提既係佢主菜旁邊既橙色既蓉！
經過一番試味，覺得佢應該係蕃薯蓉黎！好特別！清甜解漏！好少餐廳會甘用心思唔用傳統既薯仔。抵讚！
之後係豬手。味道都係偏咸喔(係甘食側邊果pat蕃薯蓉😂)
蟹膏蟹肉大蘑菇意大利飯！
我就幾喜歡喇。但屋企人就覺得腥。
不過舊大蘑菇就大家都認為幾好！配芝士好香野茹味。
最後一個係黑松露大蘑菇虎蝦意大利飯
黑松露味係重既個飯都好creamy , 但係因為食到後面已經好飽食唔落😂
唔好以為已經食完！仲有最後既甜品tiramisu !!呢個真係好驚喜啊！
Rum酒味超香！而且佢中間果層食落係有少少雪糕沙冰既口感！出乎意料地好味啊
埋單6個人食左$1,200左右！西餐黎講十分之抵！野食多選揀！set都好多樣野食！但係主菜就都偏咸,如果輕手少少就完美啦。
另外用餐時間比較短。如果諗住慢慢坐就難d喇。
門面都"骨子"架！朗屏黎講😂
有機會下次再食。
張貼
