逸 壽司 (已結業)

今日做野忙到暈，到食飯時間已經三點，要食餐好既慰勞下自己，所以揀左呢間食壽司既，呢度主要壽司，另外仲有刺身，魚生飯，同omakase。我叫左12貫壽司🍣，喺未有壽司食之前，師傅已經好快咁遞上前菜芥末八爪魚俾我食住先，另外仲有沙律同麵豉湯。壽司係師傅即場手握既，不過都好快有得食。望落去每件都好新鮮，咬落油脂豐富，魚油香濃，好肥美，有我最鍾意食既池魚同拖羅，另外仲有油甘魚，三文魚腩，火炙左口魚邊，池魚，金目鯛，帶子，牡丹蝦，仲有一件叫腦天，係非常罕有嘅吞拿魚頭頂位置比其他魚部位較深色，望去似和牛，食落甘香肥美。腦天拖羅師傅好有心機咁逐件壽司介紹俾我，腦天真係第一次聽，今餐又食野又學到野。