福丸水產 鉄板燒 日本料理 (已結業)

今日去開荃灣做野，收工約左男朋友食福丸omakase! 之前同同事食過一次環境味道都覺得好滿意所以帶男朋友黎試下！前菜係冷盤，由3樣野做成：湯葉、水雲醋漬、菜之花，啖味開始比我地開一開胃！然後就到刺身喇！presentation超吸引！隻大大生蠔搶曬眼，而且係超級好食！鮮甜有海水味！仲有活帆立貝、油甘金魚腩、鮫碟魚，帆立貝又係鮮甜到一個點！油金魚腩十分肥美，齒頰留香！到熱食喇！天婦羅有鮑魚，試到師父功夫，炸到外面層皮夠薄夠脆而且唔油膩，非常impressive到壽司環節！黎福丸梗係唔會比三文魚咁簡單啦！一定比到啲冷門又正既食材你試！壽司有鮟鱇魚肝、赤道貝同埋金線鯛，魚肝食落似鵝肝，一啲都唔腥！赤貝肉爽口，味道濃郁，金線鯛肉質較實，但其鮮味非一般魚可以有！燒銀雪魚，魚肉真係好滑溜，配面豉醬，魚香味即刻提升！以為都食到7788，店員仲拿燒烤爐，原來仲有燒大蝦及蟹子燒，好開心呀！蝦一隻手板咁大，咩調味都不用加，蝦肉爽口，蟹殼甲羅燒，加入左幾款蟹肉，加奄春蛋燒，蟹子，口感好特別！最後仲有手打鳥冬作結，真係又滿足又飽肚！好多omakase都未可以係夠飽同多樣化中間取到平衡，但福丸做到，所以我好欣