投鮮食 (已結業)

喺旺角街頭，見到呢間舖頭幾得意，所以去咗睇。見到佢入邊都係主打西式嘅嘢食，呢度冇得堂食，啱晒呢排疫情期間怕人多食飯嘅我哋。雖然係外賣，但係都唔駛等好耐。我同朋友叫咗個二人套餐，煮食就嗌左蟹肉蟹膏炒飯同埋日式雙重和牛飯。蟹肉蟹膏炒飯上面仲有啲蟹子，而且仲食到蟹肉，唔會碎到食唔到嗰種。雙重黃牛飯入邊有牛肉片同埋和牛粒。牛肉片都幾大塊，和牛粒完全唔會韌！入邊仲有啲蔬菜，日式便當感level up !炸物方便有原隻吉列炸蝦、吉列炸蟹鉗、蟹肉忌廉薯餅。最鍾意食嘅就係蟹肉忌廉薯餅，入邊嘅餡好creamy。嘢飲就同朋友都嗌咗梳打，分別係荔枝梳打同蜜桃梳打，兩款飲品都非常之解渴，啱晒而家咁熱嘅天氣飲！