影片
更多
2017-09-22
420 瀏覽
呢間暫時係我覺得最有台味的餐廳。講嘅唔係阿元，唔係程班長，而係係西營盤高街附近的小店「請坐」，位置隱蔽，宣傳唔多，但一到晚市依然高朋滿座。一坐低，來招呼的係操台式國語的女仔，其實在場幾位侍應都係台灣人，感覺對辦。睇睇只有一頁紙的菜單，選擇都唔少，除左基本的牛肉麵、滷肉飯、滷水之外，亦有多款口味蛋餅，同埋比較少見的傳統台灣小食阿給、甜不辣，見到真係有點似置身台灣咁。咩係阿給？淡水名物，係油豆腐裡面塞滿粉絲，再淋上甜甜地嘅醬。而甜不辣音譯自tempura，即係炸魚肉。今次兩樣都冇食，第一次來先食基本嘢。當然唔少得滷肉飯（$28），滷肉唔係切到碎晒，係一條條的，肥瘦肉各半，加上油光立令，真係好吸引，最驚喜係有大量菜脯粒，一來我好鍾意菜脯，二來部分台灣老店係有加菜脯落滷肉飯度嘅，呢種做法都頗正統。菜脯爽甜帶少少辣，化解左滷肉的油膩，而醬汁都均勻滲入飯粒，唔鹹，滷肉又入口即溶，推薦。蛋餅係台灣係好出名又好平民的早餐，我點左肉鬆口味（$35），雖然係佢的招牌菜式，但反而冇滷肉飯咁出色，味道偏淡，就算有醬油膏同肉鬆都無補於事，唯一可取係餅皮夠薄，又煙煙韌韌。湯品爭扎於貢丸湯同紫菜蛋花湯（$28）之間
講嘅唔係阿元，唔係程班長，而係係西營盤高街附近的小店「請坐」，位置隱蔽，宣傳唔多，但一到晚市依然高朋滿座。
一坐低，來招呼的係操台式國語的女仔，其實在場幾位侍應都係台灣人，感覺對辦。
睇睇只有一頁紙的菜單，選擇都唔少，除左基本的牛肉麵、滷肉飯、滷水之外，亦有多款口味蛋餅，同埋比較少見的傳統台灣小食阿給、甜不辣，見到真係有點似置身台灣咁。咩係阿給？淡水名物，係油豆腐裡面塞滿粉絲，再淋上甜甜地嘅醬。而甜不辣音譯自tempura，即係炸魚肉。
今次兩樣都冇食，第一次來先食基本嘢。當然唔少得滷肉飯（$28），滷肉唔係切到碎晒，係一條條的，肥瘦肉各半，加上油光立令，真係好吸引，最驚喜係有大量菜脯粒，一來我好鍾意菜脯，二來部分台灣老店係有加菜脯落滷肉飯度嘅，呢種做法都頗正統。菜脯爽甜帶少少辣，化解左滷肉的油膩，而醬汁都均勻滲入飯粒，唔鹹，滷肉又入口即溶，推薦。
蛋餅係台灣係好出名又好平民的早餐，我點左肉鬆口味（$35），雖然係佢的招牌菜式，但反而冇滷肉飯咁出色，味道偏淡，就算有醬油膏同肉鬆都無補於事，唯一可取係餅皮夠薄，又煙煙韌韌。
湯品爭扎於貢丸湯同紫菜蛋花湯（$28）之間，不過前者早前先係度小月飲過，今次就試試比較少遇到的後者。望落真係好足料，紫菜同蛋花佔左碗湯一半以上，充滿紫菜清香，又有蛋花滑溜口感，味道清清地，冬天飲就更好。
小店環境擠迫唔好預坐得舒服，都係快食快走，不過絕對值得一試。
34 瀏覽
0 讚好
0 留言
45 瀏覽
0 讚好
0 留言
100 瀏覽
0 讚好
0 留言
張貼
