上海廳1930 (已結業)

呢來食得太多好西，喺時候食返d中式野，所以今晚決定食上海野。去到時好多人等位，好彩有訂枱。好驚喜佢地有素菜menu,連小籠包、叉子燒餅都有素菜版，岩晒同枱既素食朋友！《素小籠包 $35/4隻》皮好薄，湯汁多而清，入面全部係菜碎同苟菜，食落雖然無肉味甘香口，但清清地都好，健康d!《麻醬拌粉皮 $45》呢款都係素食，只有粉皮同青瓜絲。粉皮好彈牙同爽，好多麻醬調味令人開胃。《素菜叉子 $68》呢款都係素食令人興趣，感覺無甘heavy,最岩女生! 如圖，無肉，全部變成蔬菜粒同雲耳絲，味道一樣濃，但無甘油膩。《鱔糊炒年糕 $75》有肉了，但係魚肉-鱔魚～每食上海野都必叫鱔糊！年糕煮得夠軟，一d都唔硬。芽菜夠，鱔糊入味而且爽口彈牙。《擔擔麵 （走辣）$45》其實我唔清楚擔擔麵其實係咪有麻醬？呢個比較少麻醬，所以湯底比較清，麵線正常，左如果湯底再濃一點會比較美味。《酒釀丸子 $28》好香酒味，湯濃唔稀，丸子彈牙唔粉，甜度適中。服務：上菜快，侍應生有禮，態度良好。