影片
更多
2021-06-10
296 瀏覽
今日係一個特別既日子，好多謝男朋友甘細心為我安排左今次呢個晚餐，可以俾我品嘗到地道日本既Omakase. 今次去既呢間係好出名既板神鐵板燒，位於銅鑼灣信和廣場，係三間分店既旗艦店，所以佢有成五個區域甘多， 可以分為鐵板燒區，壽司吧，炭火區，Sake Bar同 Wine room。 一去到門口，已經有種置於日本既感覺，有著住傳統和服既侍應招呼你，同埋佢哋會帶你去到所屬既區域，同埋好細心甘將你既其他隨身物品放好。經過通道既時候可見餐廳環境既每一個角落都花盡心思，大顯氣派同高貴！今次品嚐既係Omakase, 侍應好細心甘會問你會唔會有咩唔食同敏感，呢個真係值得稱讚。而負責Omakase既師傅係壽司大廚-大倉正孝，佢四十幾年前就由京都過咗嚟香港，有四十幾年既壽司經驗，精於唔同季節既新鮮食材同手握壽司，而且佢啲廣東話讀得好好，完全唔驚同佢溝通唔到。講完甘多背景資料係時候入正題，話明係Omakase，就係每道菜式都由大倉師傅發板，佢決定你食咩。前菜🥗前菜有兩款，分別係海澡配山芋蓉再加上酸酸地既汁，攪拌之後口感爽口同開胃。另外係溫室蕃茄配火箭菜同酸啫喱，溫室蕃茄好清甜，配埋啫喱，酸酸甜甜，又係一道開
一去到門口，已經有種置於日本既感覺，有著住傳統和服既侍應招呼你，同埋佢哋會帶你去到所屬既區域，同埋好細心甘將你既其他隨身物品放好。經過通道既時候可見餐廳環境既每一個角落都花盡心思，大顯氣派同高貴！
今次品嚐既係Omakase, 侍應好細心甘會問你會唔會有咩唔食同敏感，呢個真係值得稱讚。而負責Omakase既師傅係壽司大廚-大倉正孝，佢四十幾年前就由京都過咗嚟香港，有四十幾年既壽司經驗，精於唔同季節既新鮮食材同手握壽司，而且佢啲廣東話讀得好好，完全唔驚同佢溝通唔到。
講完甘多背景資料係時候入正題，話明係Omakase，就係每道菜式都由大倉師傅發板，佢決定你食咩。
前菜🥗
前菜有兩款，分別係海澡配山芋蓉再加上酸酸地既汁，攪拌之後口感爽口同開胃。另外係溫室蕃茄配火箭菜同酸啫喱，溫室蕃茄好清甜，配埋啫喱，酸酸甜甜，又係一道開胃小菜。
小食🦪🦀
小食首先係北海道生蠔配酸汁同蔥花，生蠔飽滿，而酸汁令生蠔更易入口。另外就係松葉蟹配柚子皮，柚子皮帶出蟹肉既鮮甜，而且蟹肉爽口。最後係鹽燒太刀魚，燒完既太刀魚熟成度岩岩好，好嫩唔會老。
刺身🐟
刺身包括大池魚刺身，左口魚卷海膽同灸燒真目雕，北寄貝同牡丹蝦。大池魚刺身爽甜，油脂感豐富；左口魚卷海膽，海膽鮮甜同左口魚好夾；炙燒真目雕魚皮燒完好香，油脂感岩岩好。北寄貝好新鮮彈牙，牡丹蝦配檸檬汁，牡丹花好大隻，肉感豐厚鮮甜。
壽司🍣
1. 小肌壽司，呢個係黎至關東既魚，好少見，肉感厚實，煙韌。
2. 真目雕壽司，肉質鮮甜。
3. 沙甸魚壽司，呢種魚拎黎壽司食真係第一次，同埋見到師傅既刀工真係好細緻，紋絡條條分別。
4. 海膽軍艦，海膽好多層，師傅一啲都唔吝嗇，好大方，海鮮好鮮甜，一啲都唔腥。
5. 大拖羅壽司，大拖羅油脂分布好平均，入口即化，又唔會太膩。
6. 海鰻壽司，海鰻炙燒完加埋甜甜既醬汁，岩岩帶出海鰻既鮮味。
7. 赤身手卷，赤身用醬油醃完，師傅話係日本好傳統既做法，而赤身好煙韌，味道岩岩好。
8. 芽蔥壽司，最後師傅想我地清一清個口，配埋呢個壽司係完美既ending。
水果🍈
甜品係日本蜜瓜，蜜瓜好甜，好似食緊蜜糖甘，而且好多汁，係完美嘅結束呀！
晚上既Omakase每位$1,600起😋😋😋😋😋😋
張貼
