陳漢記 (已結業)

陳漢記：大埔區人氣店之一，但我一直都冇機會去食。今日機會來了，入去坐低望下餐牌，再參考食家門喺呢度嘅評價，決定食腸粉。其實除左腸粉，仲有粥粉麵同碟頭飯等好多選擇，可以單叫或配飲品套餐，不過係我想留肚食其他野至叫咁少啫。叉燒腸粉（$22）稍等一陣已經整好，單睇賣相都叫做皮薄餡靚，半透明嘅腸粉皮，加上恰到好處嘅豉油份量，未食入口印象已經唔錯。可惜腸粉一夾就穿，唔知係咪太薄定我夾功差嘅關係啦，叉燒味道可以，稍嫌切得太細粒，冇乜咬口。齋食腸粉梗係唔飽啦，因為我仲有下一站。