花華 (已結業)

作為馬鞍山居民，真心覺得呢間係喺馬鞍山難得一遇嘅高質cafe！每樣食物都用心製作，而且有時配搭會好新穎，餐牌亦會每隔一排轉一轉，雖然每次都要排好耐隊，但咁高質都真係值得等待，而且每次食完都會為你帶黎驚喜！本地新鮮沙白·蒜香·手工意粉沙白又大隻又鮮味，手工意粉又做到意大利式正宗al dente ，硬度剛好有煙韌彈牙嘅口感，配上蒜香好夾，而且唔膩。本地鮮鱔·白菌·茄子·穀物·手工意大利雲吞食材配搭新穎，但好令你驚喜嘅係鱔原來可以用喺意大利雲吞上而味道上又係同其他配料咁夾。一點細骨都冇，應該用左好多心機去準備，值得一試！