麻神麻辣火鍋 (已結業)

總覺得Lunch time 係銅鑼灣有點難搵位食飯，上樓先有舒服環境，好味野食，中午同事就帶我嚟登龍街上樓搵麻辣麵食。同事推介麻辣特級牛頸脊麵，其餘午餐睇落都好吸引。先嚟杯檸檬🍋特飲，酸酸甜甜，仲以份子波波包住荔枝汁，好得意呀。熱辣辣牛頸脊麵嚟啦，一定要飲一下湯先，因為晚飯火鍋湯底都係佢嚟，啖湯夠辣唔嗆口，仲有小小藥材味，一點都唔油，食得出無味精。麵條是寬身超煙勒，濃厚湯底掛在麵條上超好食特級牛脊肉剛剛好7成熟，嫩口滑溜薄身透光，好令人懷念的牛肉。