樂天經典 (已結業)

呢間位於尖沙咀嘅樂天經典, 餐牌內唔少餸菜都有得揀大中小份量, 人少少, 兩三位嚟食都無問題。蒜香海蜇頭 $78海蜇頭大大片, 咬落爽脆無比, 口感極佳！冰鎮苦瓜 $48苦瓜片晶瑩通透, 賣相很好, 沾點蜂蜜平衡苦澀味, 食落很refresh. 招牌扣肉包$26香軟麵包夾起被濃郁醬汁包圍嘅扣肉, 入口脂香豐盈, 令人食指大動。花菇雲耳蒸生魚片$108生魚片啖啖肉, 完全無骨, 配花菇、雲耳、紅棗很養生, 可惜豉油偏鹹, 較重口味。古早魚香老鼠粉$118老鼠粉點咗細份份量亦不少, 軟滑麵條連同湯羹同簡單配菜, 飽肚又美味。鯪魚炒油麥菜$78呢道菜很有住家感覺, 油麥菜新鮮爽嫩, 我最鐘意其獨特甘澀味。青芥末蝦球$155蝦球肉質爽口, 配上青芥末醬同芒果粒, 食法有點像冷盤沙律, 感覺清新。香茅凍$36、楊枝甘露$38香茅凍加入蜂蜜清新甜美。楊枝甘露芒果味濃厚, 估唔到呢度連甜品都咁出色。