更多
2018-05-19
5267 瀏覽
今晚有幸朋友帶我黎食好野，話上次同親友食過覺得唔錯，又想食片皮鴨要再幫襯，黎到呢度即刻比270度海景吸引住，景觀好靚，好有氣派。叫左半隻片皮鴨，師傅熟練咁起皮起肉，肉汁不停咁流出黎，就知道一定juicy 到不得了。店員介紹片皮鴨3食嘅食法，第一 淨皮 片到好薄嘅鴨皮點藍梅醬加爆炸糖，從來未試過咁食，原來味道相當有震撼性，鴨皮好似薯片咁脆，酸酸甜甜嘅藍梅醬加會彈跳嘅爆炸糖，再散出鴨皮香味，出奇制勝，好有創意！第二係多皮少肉切法，點芥末醬食第三切法多肉少皮，用傳統燒烤醬青瓜大蔥包餅皮，食到肉嫩多汁，餅皮夠軟滑夠煙韌。青梅一字骨份量唔少，有點似生炒排骨加入梅調味，酸酸甜甜，一字骨肉質彈牙嫩滑，炸到外皮香脆，下飯一流。和牛粒乾煸口蘑，好大碟！和牛粒好稔，肉味夠，用蘑菇炒得好惹味。櫻花蝦海味蒸飯，籠仔細細但十分足料，一打開竹籠已經香味噗鼻，有櫻花蝦加蒜蓉鮮魷同蝦米一齊蒸，d 飯仲點會有得淨！食物水準唔錯，又有海景餸飯，食到咁飽，行下觀景台就係最佳嘅飯後活動啦！下次多人d 嘅話要試試套餐！
叫左半隻片皮鴨，師傅熟練咁起皮起肉，肉汁不停咁流出黎，就知道一定juicy 到不得了。
店員介紹片皮鴨3食嘅食法，第一 淨皮 片到好薄嘅鴨皮點藍梅醬加爆炸糖，從來未試過咁食，原來味道相當有震撼性，鴨皮好似薯片咁脆，酸酸甜甜嘅藍梅醬加會彈跳嘅爆炸糖，再散出鴨皮香味，出奇制勝，好有創意！
第二係多皮少肉切法，點芥末醬食
第三切法多肉少皮，用傳統燒烤醬青瓜大蔥包餅皮，食到肉嫩多汁，餅皮夠軟滑夠煙韌。
青梅一字骨份量唔少，有點似生炒排骨加入梅調味，酸酸甜甜，一字骨肉質彈牙嫩滑，炸到外皮香脆，下飯一流。
和牛粒乾煸口蘑，好大碟！和牛粒好稔，肉味夠，用蘑菇炒得好惹味。
櫻花蝦海味蒸飯，籠仔細細但十分足料，一打開竹籠已經香味噗鼻，有櫻花蝦加蒜蓉鮮魷同蝦米一齊蒸，d 飯仲點會有得淨！
食物水準唔錯，又有海景餸飯，食到咁飽，行下觀景台就係最佳嘅飯後活動啦！下次多人d 嘅話要試試套餐！
張貼
