潮福蒸氣火鍋 (已結業)

任食火鍋好多時都, 但蒸氣火鍋就好少食, 因為本身都唔平. 無意中上網睇到有間係任食, 而且又唔算貴, 所以約埋同事收工去食.潮福有唔少分店, 揀左間深水埗諗住無咁多人, 點知上到去都差唔多坐滿. 我地好好彩咁岩岩last一張枱唔洗等.見到個爐好似水上人啲帽咁~每位都有半隻乳鴿, 味道唔錯, 原本以為麻麻, 但係一拎上手係熱的, 啲肉又唔乾.每人一碗湯, 凍冰冰飲返碗熱湯, 係特別好飲啲. 當然, 都要個湯好飲~每枱食蒸氣鍋都食有人幫我地搞, 唔洗自己黎, 起碼佢地知要蒸幾耐!海鮮唔係任食之一, 不過佢每人都會有一份食，都有差唔多十款可以揀.我地叫左蜆, 元貝, 貴妃蚌, 龍蟹, 鮑魚, 龍躉肉.可能因為係蒸既關係, 所有海鮮都好鮮甜, 海鮮本身既味都好重, 證明佢啲野真係新鮮!任食款式唔算多, 不過岩食既有就無問題了.佢有肥牛片同肥牛粒, 蒸完好有牛肉味, 不過有人嫌啲牛蘇味太厲害.食左5/6轉任食既野之後大家都差唔多飽, 到食最後個粥了.一打開, 香味完全衝出黎, 之前蒸既海鮮, 肉, 菜既味全部落哂啲粥到!呢碗粥喺出面好難搵到, 因為要蒸咁多野先會有咁香咁濃既粥食, 我地當然食清