影片
更多
2018-12-27
1659 瀏覽
boxing day想食grey hound點知五點去到，唔算tea,唔算dinner都要排隊。本身諗住食第二間，係ifc兜嚟兜去，其他餐廳價錢真係令我呢啲普通收人咋舌，所以死死地氣返去排，好彩排左15分鐘左右就有位。其實坐位算係有啲逼，枱同枱之間距離亦好近，不過香港寸金呎土明嘅。我叫左個泰式豬肉丸河粉，湯底非常夠味，平時食慣淡味嘅人應該會覺得過濃，但係本人係重口味人士，所以個湯岩晒我，本身以為咁濃味應該食完會非常口渴，但係竟然冇咩特別口渴，抵贊河粉係寬河粉，質地十分滑，切到短短地，用筷子係食唔到，要用匙羹食，配埋個湯，好正豬肉係切成一舊舊細舊，唔韌唔硬，非常好咬，亦好吸湯汁，啖啖肉，好有口感。豬肉丸中規中矩，雖然細細粒，但都有好多粒下朋友叫左個泰式南瓜豆腐沙律，南瓜切成薄片烤到十分之脆，個人唔太喜歡呢種質感，好“介”口。整個沙律味道並冇驚喜，屬於不過不失。仲叫左件泰式奶茶幕絲千層蛋糕，入口好濃奶茶甜味，質地幼滑，連我呢個唔好甜品嘅人都覺得唔錯，值得一試提提大家睇得出佢地人手唔係好夠，每個waiter都好忙，好容易會俾waiter忽略，所以大家要俾啲耐性。總括食物質素不錯，性價比就見人
boxing day想食grey hound點知五點去到，唔算tea,唔算dinner都要排隊。本身諗住食第二間，係ifc兜嚟兜去，其他餐廳價錢真係令我呢啲普通收人咋舌，所以死死地氣返去排，好彩排左15分鐘左右就有位。其實坐位算係有啲逼，枱同枱之間距離亦好近，不過香港寸金呎土明嘅。
我叫左個泰式豬肉丸河粉，湯底非常夠味，平時食慣淡味嘅人應該會覺得過濃，但係本人係重口味人士，所以個湯岩晒我，本身以為咁濃味應該食完會非常口渴，但係竟然冇咩特別口渴，抵贊河粉係寬河粉，質地十分滑，切到短短地，用筷子係食唔到，要用匙羹食，配埋個湯，好正
豬肉係切成一舊舊細舊，唔韌唔硬，非常好咬，亦好吸湯汁，啖啖肉，好有口感。豬肉丸中規中矩，雖然細細粒，但都有好多粒下
朋友叫左個泰式南瓜豆腐沙律，南瓜切成薄片烤到十分之脆，個人唔太喜歡呢種質感，好“介”口。整個沙律味道並冇驚喜，屬於不過不失。
仲叫左件泰式奶茶幕絲千層蛋糕，入口好濃奶茶甜味，質地幼滑，連我呢個唔好甜品嘅人都覺得唔錯，值得一試
提提大家睇得出佢地人手唔係好夠，每個waiter都好忙，好容易會俾waiter忽略，所以大家要俾啲耐性。總括食物質素不錯，性價比就見人見智，個河粉$98係ok嘅，其他全部大約$150或者$200，值唔值得試就要睇大家budget啦
張貼
