前家樂餐廳火鍋店 (已結業)

很久以前聽過前家樂這餐廳名字，今晚有機會一試。食物選擇很多，除了火鍋以外，仲提供雞煲同埋烤魚。不過今日想食雞煲，麻辣同芝士好似其他地方都有，所以就點左鮮甜椰子雞煲。雞煲份量都好大，而且好足料。送個煲上黎之後都聞到好香的椰子香味。除了有好多件的主打三黃雞件外，湯底仲有好多其他配料，杞子﹑洋蔥﹑紅棗﹑芹菜和鮮椰子肉。成個湯底都係奶白色，很濃椰子香味。雞肉很香，骨細肉嫩。雖然比較多油脂，但食落又唔覺得太肥膩。雞件份量又多，食完個雞煲之後都飽左一半。當然仲點左幾種配料。萵荀同黑木耳都很清甜好脆。墨汁墨丸好彈牙。不過雙拼滑更加好食，蝦滑和墨魚滑，除了足料，食到啖啖蝦肉粒同墨魚肉粒，仲真係好鮮味。熟左之後仲十分彈牙。芝士竹輪好特別，竹輪的外表包住流心的芝士，很惹味。響鈴完全無油味。魚皮好脆，最重要唔係好咸，可以當小食即食。食到後半再飲一碗湯底，所以配料的精華都留左係湯底內，比起一開始更加添鮮甜。食得很滿足的一餐，真係要一讚這個鮮甜椰子雞煲。味道濃到真係好有住家湯的感覺，食得到師傅的用心。