鳳鳴石磨腸粉 (船塢街) (已結業)

之前在觀塘店食過一次，覺得好食，最近來到黃埔開店，前排經過，已經食左一次，再次食，真的好好味，今次專程再過來買早餐。石磨豬肉腸＋燒賣套餐（配紅棗桂圓茶）腸粉夠香滑，加左莞茜等配料，更加惹味，燒賣夠煙韌，喜歡食辣朋友，記得要試秘製辣椒油，夠哂香辣，刺激味蕾，自家製紅棗桂圓茶，養生香甜，店員會細心提醒一天內要飲用。其實佢地有多款腸粉，可以轉紅米/黑米，仲可以加蟲草花，感覺夠養生，亦可以加配菜，更加豐富，仲有幾款自家製飲品選擇。聽街坊講黑米腸好正，下次我一定要試呀。