街坊Cafe (已結業)

同朋友去旺角波鞋街買波鞋，行完一輪又攰又餓就響附近搵間餐廳醫肚，見呢間街坊cafe門口嘅餐牌好似唔錯，價錢都唔貴，就入去試下。Cafe牆上嘅壁畫好有香港特式。帝王極上海鮮芝士龍蝦汁意大利飯二人餐，包餐湯、頭盤、主菜、甜品同飲品。街坊素鮑參碗仔翅窩，都幾大窩，素鮑魚海參賣相真係好得意，做得都幾似，碗仔翅味道唔錯，有冬菇、木耳絲加蛋花，加少少醋已經好夠味。吞拿魚蟹籽沙律，份量唔少，大大盤，蔬菜有車厘茄同沙律菜，吞拿魚同粒粒蟹籽都好足料。波士頓龍蝦帝王極上海鮮，除左有原隻波士頓龍蝦之外，仲有焗生蠔、青口、蜆肉、帶子刺身、翡翠螺。送黎嘅時候真係嚇一跳，竟然咁大盤，四人食都應該夠食。原隻龍蝦大大隻，好多肉，肉質鮮味；青口、生蠔都好大隻，芝士焗味道唔錯；蜆仔有好多隻，雖然細隻但幾新鮮；帶子刺身大粒又鮮甜；最正係下面嘅飯，芝士龍蝦汁意大利飯，嗦哂海鮮嘅鮮味，加埋芝士，超級入味。綠茶吉士雞蛋仔伴雪糕，賣相好吸引，綠茶味雞蛋仔超好食，淋上朱古力，配埋棉花糖同雪糕，再加d士多啤梨、藍莓粒，口感豐富，甜而不膩。櫻花樹下，飲品由歌名命名，櫻花同士多啤梨口味，淺紫色，顏色幾靚。女神，同樣由歌名命名，係金桔、百香