座銀

營業中

休息中

喺中環諗唔到食咩，好多時都會諗起拉麵，身體就好似隨住muscle memory 咁行咗去座銀嘅方向。之前食過佢哋嘅沾麵，印象唔深，但每次都記得雞白湯拉麵係好好味，所以之後都default 去嗌雞白湯拉麵，今次都唔例外。
今次星期日六點前嚟到，啱啱好唔洗排隊就有位坐喇。
麵一到，一定會飲啖湯先。唔會太鹹，唔會太creamy太膩，但又夠入味，味道恰到好處。慢煮雞胸同豚肉麵都夠軟腍，但我個人就麻麻呢啲慢煮肉，反而炸牛蒡有驚喜。不過唔緊要啦，對我嚟講，個湯先係主角，次次食都忍唔住飲到底。
不過座銀喺拉麵嚟講真係偏貴，一碗拉麵都已經 $148，仲再加一。每次見到張單都會覺得好貴，但都會願意再去幫襯。
好味指數：🌕🌕🌕🌕🌗