影片
更多
2019-01-20
441 瀏覽
朝聖鹹班戟😍 發覺近年好鐘意食啲一路都認為係甜食嘅鹹食，就好似呢個班戟咁，平時都會諗住係落糖漿定朱古力漿，但今次係倒個鹹湯落去，仲要係龍蝦湯😂作為香港限定，台灣同日本都冇分店都冇嘅龍蝦班戟，定價近三百蚊其實都好貴下，但係選用美國龍蝦食落特別彈牙，無聊數下啲肉唔計散咗啲細粒肉，足足有成八隻鉗😍啖啖龍蝦肉之餘個龍蝦湯都超濃味，除咗班戟本身都有啲湯汁之外，佢另外仲俾咗一杯仔龍蝦湯可以俾你淺嘗或者隨意加減，由於個味太濃嘅關係就咁飲會有啲過鹹，所以最尾都到埋落去個班戟度等佢索盡過湯汁😂 另外佢好欣賞佢可以揀普通熱香餅定係麥餅，後者班戟充滿麥味同鹹食更夾✨另外一場黎到當然要食埋梳乎厘班戟，呢度個梳乎厘班戟係屬同集團嘅flippers出品，已經開咗成年有多嘅flippers平時每次行經希慎都好多食但總會俾果條永無止境嘅人龍嚇退，雖然呢度都係要排隊，但排一條龍食哂兩間嘅嘢感覺化算啲嘛😂班戟質素冇變，同希慎果邊一模一樣，果陣冇得比嘅蛋香同其鬆軟程度真係冇人能及✨食完出嚟發現條人龍已經可以折疊成蛇餅狀，睇嚟呢邊都會成為超級長龍店，建議有咁早得咁早去排好😌 下次嚟要試佢個印度咖哩班戟😂
作為香港限定，台灣同日本都冇分店都冇嘅龍蝦班戟，定價近三百蚊其實都好貴下，但係選用美國龍蝦食落特別彈牙，無聊數下啲肉唔計散咗啲細粒肉，足足有成八隻鉗😍
啖啖龍蝦肉之餘個龍蝦湯都超濃味，除咗班戟本身都有啲湯汁之外，佢另外仲俾咗一杯仔龍蝦湯可以俾你淺嘗或者隨意加減，由於個味太濃嘅關係就咁飲會有啲過鹹，所以最尾都到埋落去個班戟度等佢索盡過湯汁😂 另外佢好欣賞佢可以揀普通熱香餅定係麥餅，後者班戟充滿麥味同鹹食更夾✨
另外一場黎到當然要食埋梳乎厘班戟，呢度個梳乎厘班戟係屬同集團嘅flippers出品，已經開咗成年有多嘅flippers平時每次行經希慎都好多食但總會俾果條永無止境嘅人龍嚇退，雖然呢度都係要排隊，但排一條龍食哂兩間嘅嘢感覺化算啲嘛😂
班戟質素冇變，同希慎果邊一模一樣，果陣冇得比嘅蛋香同其鬆軟程度真係冇人能及✨
食完出嚟發現條人龍已經可以折疊成蛇餅狀，睇嚟呢邊都會成為超級長龍店，建議有咁早得咁早去排好😌 下次嚟要試佢個印度咖哩班戟😂
張貼
