🐟鉄火堂可能大家都聽過 但我最近經過尖沙咀先知首都廣場間分店係有即劏原條藍旗吞拿魚表演
🐟當日條藍旗吞拿魚有110kg 聽師傅講係原條由日本空運直送到港
🐟每個星期都會上演劏魚表演 日子可以留意留番佢地社交平台 仲有直播劏魚表演
🐟講番食物 食左2份50g 刺身 分別係大拖羅($65)同中拖羅（$50）
大拖羅：好大塊超肥美 好香魚油脂 入口即溶
中拖羅： 魚味同油脂平衡 比大拖羅冇咁重油香
兩樣都好好食 重點係 望住劏 劏完即食 超級新鮮！又好掛住鄉下喇
🐟拖羅壽司盛盒 （$50）
有四件吞拿魚壽司 兩件赤身 一件中拖羅 一件大拖羅
店員建議由淡味嘅赤身食起
雖然赤身係最平 但完全唔會有筋 油脂較少 比較有口感
中拖羅同剛才刺身一樣 淡淡魚油甘香 魚油味同魚香都平衡得好好
大拖羅魚油味比較濃 三款各有不同口感 小朋友才做選擇 我全都要☺️
🐟店鋪小小 不設座位 只係有立食區 所以大家都可以揀外賣番屋企食 都一樣咁新鮮
