更多
2018-03-13
1049 瀏覽
想帶家人去食越南菜，可惜香港大部分嘅越南餐館都係坐得唔太舒服，突然記起之前試過安南，都唔錯，就一於請家人嚟再食過~每次食泰越等菜式我都會叫個沙律，今次就揀札肉雞絲沙律，都幾足料，啱哂鐘意食肉嘅，對於我嚟講就多啲蔬菜會好啲~想揀個小食，諗住叫米紙卷，但畀呢個雙拼吸引咗，差不多價錢，呢個可以同時食到札肉粉卷，又可以食到札肉件，仲有芽菜拌碟。呢個係要encore嘅其中一道菜，海皇湯入面有魚肉，魷魚等多種海鮮，濃郁嘅湯仲配埋脆麵包粒，仲有份量都唔少，四個人每人都可以試到至少半碗，讚！生牛肉湯河就見得多，生牛肉豬肝湯就第一次見，一於叫一客試下，個樣真係好似生牛肉湯河，好夠味，可惜太油，鐘意食肥牛嘅就啱啲，但都不宜飲太多。另一個encore嘅菜式就係越南春卷，亦都係餐廳推介嘅菜式，佢冇某啲餐廳炸得咁油，仲有菜可以夾住嚟食，加點魚露就更好味！又試下啲唔係間間越南餐廳有提供嘅菜式，雖然叫炸筍殼魚，但唔會好多炸粉亦唔會好油膩，有啲脆口得嚟肉質好淋好滑。啱哂鐘意食魚又鐘意食香口菜式嘅我。有火車頭，當然要放棄生牛肉湯河，除咗生牛肉，仲有牛筋同牛柏葉，每樣配料嘅比例啱啱好，睇得出唔會因為成本而某啲食材多啲或者
每次食泰越等菜式我都會叫個沙律，今次就揀札肉雞絲沙律，都幾足料，啱哂鐘意食肉嘅，對於我嚟講就多啲蔬菜會好啲~
雞絲札肉沙律
22 瀏覽
0 讚好
0 留言
想揀個小食，諗住叫米紙卷，但畀呢個雙拼吸引咗，差不多價錢，呢個可以同時食到札肉粉卷，又可以食到札肉件，仲有芽菜拌碟。
呢個係要encore嘅其中一道菜，海皇湯入面有魚肉，魷魚等多種海鮮，濃郁嘅湯仲配埋脆麵包粒，仲有份量都唔少，四個人每人都可以試到至少半碗，讚！
海皇湯
27 瀏覽
0 讚好
0 留言
生牛肉湯河就見得多，生牛肉豬肝湯就第一次見，一於叫一客試下，個樣真係好似生牛肉湯河，好夠味，可惜太油，鐘意食肥牛嘅就啱啲，但都不宜飲太多。
生牛肉豬肝湯
31 瀏覽
0 讚好
0 留言
另一個encore嘅菜式就係越南春卷，亦都係餐廳推介嘅菜式，佢冇某啲餐廳炸得咁油，仲有菜可以夾住嚟食，加點魚露就更好味！
越式春卷
22 瀏覽
0 讚好
0 留言
又試下啲唔係間間越南餐廳有提供嘅菜式，雖然叫炸筍殼魚，但唔會好多炸粉亦唔會好油膩，有啲脆口得嚟肉質好淋好滑。啱哂鐘意食魚又鐘意食香口菜式嘅我。
有火車頭，當然要放棄生牛肉湯河，除咗生牛肉，仲有牛筋同牛柏葉，每樣配料嘅比例啱啱好，睇得出唔會因為成本而某啲食材多啲或者少啲。生牛肉嚟到只要浸一陣，生熟程度就啱啱好。
本來想試餐廳另一推介菜式：香橙鴨煲，可惜賣哂，就試咗呢個越式燒鵪鶉，抱住好奇嘅心態去試，竟然比想像中好味，兩隻分成一共四件，每件嘅大細啱啱好，唔會食完就好滯，個樣似乳鴿，但冇乳鴿嘅肉質咁硬。唔好漏咗伴碟嘅生菜紅蘿蔔絲，配點魚露係好好味嘅，食完鵪鶉食番片菜啱哂。
已經好豐富，要放棄甜品喇，據聞有啲好特別嘅雪糕，下次要試下先～
題外話/補充資料：
當天訂枱時要求係溜冰場旁的座位, 店員真係有MARK低, 仲安排到畀我吔, 好少餐廳會做到!
(以上食評乃用戶個人意見 , 並不代表OpenRice之觀點。)
張貼
