鬼金棒

營業中

休息中

成日喺香港芫荽黨見到鬼金棒呢個芫荽拉麵，作為資深黨員嘅我，就當然要去朝聖一下啦！去食嗰晚好好彩出面唔使排隊，一行埋去就有位。環境方面，我坐咗喺吧枱位，但上面有個冷氣出風位吹住個頭頂，初初感覺都有啲凍，但可能後尾有人投訴，咁佢校細左個冷氣咁就好啲。水果d都係自助，落單就掃QR code，咁我就叫咗個特製麻辣味噌拉麵+莞荽，小辣小麻。碗麵一嚟到，嗰一堆嘅芫荽令到人感覺好開心。咁同啲芫荽撈勻左之後，就開始食啦！佢個麵係普通嗰啲拉麵粗麵，好光滑唔係好掛汁，食落去第一啖感覺個味同食雞煲冇分別，勁搞笑！好在我本身都好鍾意食雞煲，就覺得佢好好味啦！個味玉唔係好夠味，可能d湯太野味，搞到個蛋好似唔係好夠味咁，但個蛋黃勁橙黃同埋勁流心，好好食！至於叉燒方面，佢唔係一塊塊嗰啲叉燒，佢係一嚿嚿嘅，就好似東坡肉咁樣，但就燒到好嘢未，舊肉好入味！啲肥膏唔肥膩，好好食！但好罪惡！埋單$140，雖然有啲貴，但名物呢啲嘢都係要食下嘅！