242
22
2
港鐵銅鑼灣站 D4 出口, 步行約2分鐘 繼續閱讀
所有分店 (2)
電話號碼
24813383
開飯介紹
來自東京的過江龍辣麻拉麵店,店內裝修以日本神怪為主題。店內共有25種配搭的麻辣拉麵選擇。辣度及麻度則分成5個級別,由(白碗)不辣、小辣、中辣、(紅碗)高級辣到(黑碗)鬼增辣。 繼續閱讀
營業時間
今日營業
11:00 - 00:00
星期一至日
11:00 - 00:00
*最後落單時間: 23:00
付款方式
Visa Master AlipayHK 支付寶 現金 AE 銀聯 Apple Pay Google Pay 微信支付
其他資料
當面支付
食評 (274)
等級4 2020-11-08
382 瀏覽
在銅鑼灣行完街,就同左好鍾意食拉麵嘅朋友黎鬼金棒試下,見呢間餐廳好有霸氣,全部係鬼嘅裝飾,仲播住重低音的鼓聲,真心型!門口昏暗,開頭企係門外仲以為未開門添呀。滿滿的鬼面具,已經係殺氣了,哈哈。座了旁邊的二人枱,枱上有冰水,店員送上qr code,用電話落單就可以了。本來有冰水就不點飲料,但朋友話行左好耐好口渴,就點了汽水,哈哈,佢一口氣飲完,睇黎真係好渴。朋友點的增量叉燒x2辣麻味噌拉麵,好大舊叉燒!朋友呢碗揀左小麻不辣,味道鹹鮮,小小麻帶刺激感。叉燒很軟腍,大大舊非常滿足。自己點左芫荽辣麻味噌拉麵,激多芫荽正呀,如果叫埋芫荽增量唔知會點呢!?湯底揀左小辣小麻,個人覺得辣味不突出,初到貴境不知輕重嘛,下次可以揀中辣。正因為小麻小辣很易入口,飲完湯底無難度,哈哈。沒左增量的叉燒是朋友的四份一左右,炆得非常軟腍,入口即化,水準之作!有點後悔沒有叫增量了,這個味道食四件都不會膩。麵條粗身有口感,亦很掛湯,吸滿湯汁連芫荽一齊食好正,每口都有芫荽香。還有增加了味玉,食拉麵至愛溏心蛋,既然拉麵沒有附上就加點一隻啦,內裏很流心很綿,好味啊。好味好味,拉麵控表示滿意。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-22
556 瀏覽
今日特別同男友來食拉麵,其特色是辣麻拉麵及特厚叉燒(角煮),原來日式都有麻辣口味,采用日本的唐辛子的辣及山椒的麻,令拉麵味道更豐富更刺激味蕾,兩者的辣都有幾個層次,無辣、小、中、大、鬼增......幾個級別,喜歡辣的朋友要挑戰一下。我地每人點左一碗拉麵及汽水,最後仲追加左一碗叉燒飯,超滿意超full。有8款拉麵可選,價錢$90-$135,拉麵用了不同配料,分別有味玉、芽菜、芫荽、增量叉燒......我地揀左芫荽及超大份的增量叉燒X2,挑戰味蕾和胃袋。下單用QR code,非常快捷方便。除左門面有一大支氣勢迫人的拷鬼棒,店內裝潢都好有地獄感覺的氣氛,特別係大紅色的惡鬼面罩,店內面積唔算好大,有數張木枱及數個Bar枱座位,但都坐得舒適。增量叉燒X2 辣麻味噌拉麵 $135有2件超大的叉燒(角煮豚肉),好邪惡卻又十分誘人,入口即化不用點咬,脂肪溶化係口內,豬肉味濃郁且好香,煮得好入味,肉質鬆化,食完的確有點膩,但忍唔住仲想食。揀了無辣無麻,可以飲到湯頭原本味道,雖然有點油同有脂肪,但顯得湯底味道更突出更濃。芫荽辣麻味噌拉麵 $110芫荽愛好者有福了,超多芫荽佈滿拉麵上,很香很香,拌勻麵與熱湯後,香味更明顯,而且每口都有滿滿芫荽。味玉的糖心效果很好,蛋黃細滑有蛋香,味道濃郁,而且也鹵得很入味,推介一定要追加。拉麵麵質較有彈性,口感豐富有麵粉香,掛湯汁很好,配辣麻湯汁很適合。呢碗揀左小辣小麻,味道很易接受,唔會好辣麻,剛好品嚐到唐辛子的微辣及山椒的麻香,湯底加左辣麻口味更加吸引,味道更有層次,還可減少湯底的膩感。肉碎飯 $35最後雖然很飽,但也想追加叉燒飯,所以揀左最細份量的肉碎飯 來SHARE食。用角煮豚肉拆成肉碎,加入鹵汁到飯,感覺有點似台式肉燥飯,但味道更濃更有脂香味,配食淨的拉麵湯汁,又多個新口味和口感,為拉麵晚餐畫上完美句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-15
1175 瀏覽
*第一次食鬼金棒,終於有機會試到。朋友話呢間好特別,可以揀麻又揀辣,又可以走芽菜走韮菜,好似食米線咁。但下次我會揀辣d 又麻d,今次第一次食就保守d 先,不過個湯底真係好特別好正!*我揀左玉米筍辣味噌拉麵,估唔到超多玉米筍,差不多有成10條!*拉麵有少少扁身同平時食果d 唔同,煮得好彈牙,重點係份量超大食完勁飽*其實最有驚喜係舊叉燒,好似東玻肉咁一磚仔,以為點都會鞋鞋地同埋難咬,點知係好軟熟,而且有肥又有肉,夾埋一齊食係幾正。*本身怕會好辣仲嗌左兩罐可樂飲,諗返圯都覺得好好笑😂* 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-03
1991 瀏覽
前排同朋友去開銅鑼灣行街,就好想食日本嘢,大家都知道而家冇得去旅行㗎啦,咁就搵吓有冇好食嘅拉麵解下鄉愁,點知比我見到呢間新開嘅拉麵店,之前喺日本都有見過,佢係唔係普通嘅拉麵湯底,而係主打麻辣嘅味噌拉麵。呢一款嘅拉麵應該都算好少見係日本來講,喺門口已經掛咗好大個牌寫住可以自由揀辣到同麻度,唔知會唔會好似食麻辣火鍋咁辣架呢個menu就建議一開始食中辣同中麻,咁抱住試吓佢嘅精神就梗係跟佢嘅介紹啦我叫咗個特製味增拉麵,而朋友就帶咗個增量叉燒味增拉麵,其實內容都差唔多只係一個有蛋,一個就有更多嘅叉燒。講返個湯底啦,雖然話麻辣但其實食落唔會話辣到飛起嗰隻,反而會覺得好過癮佢仲加咗大量嘅蔬菜,蔥,芽菜等等,好爽有啲似食緊蔬菜拉麵嘅感覺,雖然唔係平時食開嘅豬骨湯,但呢個拉麵真係好特別,食完會覺得好過癮,出身汗咁覺得有啲辣就可以嗌嘢番罐汽水飲下如果唔夠飽嘅話仲可以加個豬肉飯,有太大舊肥豬肉白飯可以就咁食亦都可以撈埋啲湯一齊,呢個配搭都唔錯㗎,呢個咁特別嘅拉麵真係好值得試吓 繼續閱讀
(以上食評乃用戶個人意見 , 並不代表OpenRice之觀點。)
日式拉麵在近年在香港廣受歡迎,但無論是日本過江龍或是東洋取經回來的本地薑,大多只停留於豚骨湯底的比拼,沒有太多的新意,直至之前一間東京過江龍拉麵店登陸香港,以日式麻辣湯底帶出了另類的感覺,豐富了大家對日式拉麵的固有認知範疇,據講自落戶以來人氣十足,就筆者造訪當日所見輪候人龍依然長現,心想必有其獨到之處,自然滿有期望。單看門面裝潢已滿是東洋風,黑底金字的木招牌寫菁「鬼金棒」三字,亦放上了巨型狼牙棒和日本鬼怪的貼飾,有氣勢得來帶上幾分神秘感。而店內佔地不大以4人枱為主,設計亦同樣相互呼應切合主題,黑色主調木器裝修配上紅色燈光,加上海量的日本鬼怪面譜和掛飾,形做出點點型格鬼異氣氛。小店以QR Code點餐,用上自己的電話看餐牌下單,各自為政不用等來等去,亦減少了接觸,挺方便的。拉麵款色有8款選擇,大同小異都是味噌拉麵,主要是用料上有少許分別,而既然主打食辣,辣度當然可選火熱的鬼增(需另加費,亦可曡加)、大中小辣到無麻無辣等級別,任君選擇。另外亦有3款碎肉和叉燒飯可供追加,是拉麵以外的主食選擇。特製麻辣味噌拉麵,作為一個好辣之徒,當然想挑戰一下小店的特製麻辣,但又真的未試過是何等級數,所以只點來了大辣小試牛力,一端上來賣相紅噹噹,中間放有鎮店的鬼增辣油和山椒粉,離遠已能感受到那股氣度;吃拉麵當然先試湯底,入口濃稠味道豐盈,辣度卻沒有預期中的強悍,但辛辣同麻香平衡得很好,飲落沒有刺鼻涸喉,跟川式麻辣有著很大的分別。而麵條比一般的有點偏粗身,口感軟糯帶韌性,掛上湯汁不會太濃,還可以嚐到麵條的彈牙和原味,相互配合下十分搭配。而另外值得一提是這店的叉燒做得很出眾,半肥瘦相間的日式叉燒以角煮形色呈現,2大件份量十足,口感鬆軟多汁,有點東坡肉的影子,入口近乎半溶,油香滿瀉而不膩,幸福感滿滿。而除了叉燒之外,還有甘香流心的溏心蛋、爽脆的珍珠筍和海量爽口的芽菜,豐富了口感亦增加了層次,整碗麵的質素十分不錯,下次定要挑戰一下鬼增的辣度!味玉辣麻味噌拉麵,這款拉麵湯色雖同樣是紅色但明顯較淺色,加上朋友只點了小麻小辣,對比下來相對沒有那麼濃烈,但美味程度一點也不輸蝕。佐料方面同樣有一塊肥瘦相間的極品叉燒,而味玉即溏心蛋,一啖咬開溏心的蛋黃漿徐徐流出,滿口濃郁甘香;而珍珠筍和蔥花芽菜除了帶來了清爽之餘,亦同時豐富了整體口感。這款麵雖沒有特製麻辣般濃厚辛辣,但口味亦沒差多少,所以就算不好辣也可享受得到小店的獨特滋味。吃過拉麵後大家還意尤未盡,續追加了大肉飯以慰口慾。不厭其煩都要再讚一下,這店的秘製叉燒確是獨到,大件而鬆軟入味,肉汁豐盈,配上粒粒飽滿的米飯,吸上肉汁醬汁平衡了濃膩,跟配拉麵相比又是另一種風味。總括而言這店的湯麵較一般本地吃到的豚骨拉麵多上點特色,雖然選擇不算太多,但食味出衆另類,頗有驚喜!而且雖然以辣掛帥,但其實感覺辣度不算太強,亦可選無麻無辣,所以好辣之徒或滴辣不沾的朋友也可一試。 繼續閱讀
(以上食評乃用戶個人意見 , 並不代表OpenRice之觀點。)