影片
更多
2018-08-04
472 瀏覽
呢間「貴族蛋糕」每一次去花墟都會經過，雖然名叫「貴族」，但係價錢相當親民，今日趁要上朋友屋企，唔想兩手空空，所以路過時打算買啲嘢上去探訪。盒裝曲奇：懷舊餅店有自家製嘅曲奇，相信對於香港人來講都唔係陌生，呢度嘅曲奇款式好多，有散裝同埋禮盒裝兩種，當然如果係自己食嘅話，散買嘅話價錢會平好多，但係既然用嚟送禮，買盒裝曲奇，會顯得更加大方得體。呢盒曲奇裏面款式多達10款，有腰果，合桃同朱古力味等等，款款食落都非常鬆軟，牛油味相當香濃，甜度亦唔高，適合一家大細食。鮮忌廉芒果瑞士卷：係好多香港人中，瑞士卷算係由細食到大，呢度嘅瑞士卷，雖然賣相普通，但係店員強調係用新鮮芒果製造，非常有誠意，以$42 一條來講，價錢算係合理。瑞士卷蛋糕口感非常鬆軟，忌廉細滑亦都唔太甜，食落唔會好滯，芒果粒嘅大細非常適中，整體配搭唔錯。木糠布甸：木糠布甸聽落非常易整，只係一層馬利餅碎，一層加咗煉奶嘅忌廉。但係煉奶同忌廉嘅比例，以及每一層嘅鋪排，都非常講技巧。貴族蛋榚整出嚟嘅木糠布甸，賣相非常吸引，入口極之creamy, 每一層都整得好整齊，忌廉同煉奶嘅比例都近乎完美。芒果布甸：芒果布甸由細食到大，細個每一次到酒樓食點心
盒裝曲奇：懷舊餅店有自家製嘅曲奇，相信對於香港人來講都唔係陌生，呢度嘅曲奇款式好多，有散裝同埋禮盒裝兩種，當然如果係自己食嘅話，散買嘅話價錢會平好多，但係既然用嚟送禮，買盒裝曲奇，會顯得更加大方得體。
呢盒曲奇裏面款式多達10款，有腰果，合桃同朱古力味等等，款款食落都非常鬆軟，牛油味相當香濃，甜度亦唔高，適合一家大細食。
鮮忌廉芒果瑞士卷：係好多香港人中，瑞士卷算係由細食到大，呢度嘅瑞士卷，雖然賣相普通，但係店員強調係用新鮮芒果製造，非常有誠意，以$42 一條來講，價錢算係合理。
瑞士卷蛋糕口感非常鬆軟，忌廉細滑亦都唔太甜，食落唔會好滯，芒果粒嘅大細非常適中，整體配搭唔錯。
木糠布甸：木糠布甸聽落非常易整，只係一層馬利餅碎，一層加咗煉奶嘅忌廉。但係煉奶同忌廉嘅比例，以及每一層嘅鋪排，都非常講技巧。
貴族蛋榚整出嚟嘅木糠布甸，賣相非常吸引，入口極之creamy, 每一層都整得好整齊，忌廉同煉奶嘅比例都近乎完美。
芒果布甸：芒果布甸由細食到大，細個每一次到酒樓食點心，都幾乎會叫。
呢度嘅芒果布甸，味道香甜，毫無工廠製嘅味道，入面仲有好多芒果肉，非常新鮮，入口鮮甜，亦都好幼滑，好有口感。
離開嘅時候，喺櫥窗仲見到賣相非常吸引嘅壽桃蛋糕，下次屋企人生日，一定要黎訂個蛋糕同佢地賀壽呀。
張貼
