影片
更多
2021-12-29
256 瀏覽
灣仔老店永華麵家結業令人婉惜，最近換了新形象在灣仔利東街和九龍灣淘大商場再現。除了各種傳統特色港味麵食，永華日常更聯乘幾個香港老字號品牌，創作一系列特色美食，喜歡香港懷舊味道不能錯過。永華日常於灣仔利東街開業，吃飯時段門外都會出現人龍，非常受歡迎。吃的是懷舊港式雲吞麵，但裝修一點也不老套，以木系元素和清新淺綠色帶來新意。店內亦保留了永華麵家的歷史文物，承傳著舊時代精神和人情味回憶。餐廳樓高兩層，二樓還有更多座位。不過我覺得最正係可以出露台坐，無論飲啤酒定奶茶都一樣咁Chill。永華日常招牌菜當然係雲吞麵，不過都有好多創新又求變的新菜。永華日常聯乘三個香港老品牌，包括廖孖記、公和荳品和甄沾記。蛋奶素亦可以吃多士三文治。茶餐廳必備的飲品全不缺，港式糖水都好有特色。廖孖記腐乳芝士臘腸卡邦尼意粉(走臘腸) HK$88 (配熱飲)中西芝士合璧咁有趣當然要一試，所以我叫左走臘腸版。意粉一上桌香氣十足，即刻想大啖大啖食，入口濃濃腐乳鹹香，你真係估唔到腐乳意粉會咁好食，下次試下在家煮先。日本半熟流心蛋三文治 HK$46睇相已經覺得好吸引好想食，所有三文治都預設做烘底不用加錢，日本半熟蛋無花無假夠鮮美，
灣仔老店永華麵家結業令人婉惜，最近換了新形象在灣仔利東街和九龍灣淘大商場再現。除了各種傳統特色港味麵食，永華日常更聯乘幾個香港老字號品牌，創作一系列特色美食，喜歡香港懷舊味道不能錯過。
永華日常於灣仔利東街開業，吃飯時段門外都會出現人龍，非常受歡迎。
吃的是懷舊港式雲吞麵，但裝修一點也不老套，以木系元素和清新淺綠色帶來新意。店內亦保留了永華麵家的歷史文物，承傳著舊時代精神和人情味回憶。
餐廳樓高兩層，二樓還有更多座位。
不過我覺得最正係可以出露台坐，無論飲啤酒定奶茶都一樣咁Chill。
永華日常招牌菜當然係雲吞麵，不過都有好多創新又求變的新菜。
永華日常聯乘三個香港老品牌，包括廖孖記、公和荳品和甄沾記。
蛋奶素亦可以吃多士三文治。
茶餐廳必備的飲品全不缺，港式糖水都好有特色。
廖孖記腐乳芝士臘腸卡邦尼意粉(走臘腸) HK$88 (配熱飲)
中西芝士合璧咁有趣當然要一試，所以我叫左走臘腸版。意粉一上桌香氣十足，即刻想大啖大啖食，入口濃濃腐乳鹹香，你真係估唔到腐乳意粉會咁好食，下次試下在家煮先。
日本半熟流心蛋三文治 HK$46
睇相已經覺得好吸引好想食，所有三文治都預設做烘底不用加錢，日本半熟蛋無花無假夠鮮美，配以雙重芝士片和大量生菜絲咬落滿足，唯獨係需要好大個口先可以咬得到。
奶茶紅豆冰 HK$28
凍奶茶好有水準，奶味夠香亦唔會過甜，加上大量綿綿紅豆幾特別，當甜品都好開心。
圖中係蛋奶方便素可以在永華日常吃到的菜式。
公和荳品廠薑汁奶凍 HK$32
公和豆腐花好食係人都知，變成奶凍口感略有不同，但就同樣幼滑和豆香十足，這個茶餐廳創意都幾有趣。
甄沾記仙椰汁焦糖燉蛋 HK$32
一放入口就覺得驚豔，估唔到個椰汁燉蛋咁好食喎！椰香夾甜甜焦糖，質感都非常唔錯。
桑寄生茶 HK$30 加蓮子+HK$5 加雞蛋 +HK$5
人生第一次食桑寄生茶，現在都不是很多地方有得吃吧？承傳永華獨家秘方，加入普洱茶口味獨特，加埋蓮子和雞蛋邊吃邊覺得好補身！
這家永華日常的價格在利東街來說很有競爭力，怪不得外面咁多人等位，想重溫永華麵家經典美食，記得唔好錯過啦！
張貼
