影片
更多
2020-09-14
458 瀏覽
最近見到堅信號上海生煎皇推出左永澤同學包子，因為個樣太得意，唔可以唔去食下！包子真的跟照片一模一樣，完全乎合商品說明條例，吃起來仲幾有咬口。吃可愛包子之餘，也順便試試幾款素食上海小菜，個純素咕嚕肉又真係同真既一樣味喎。生煎皇原來已經開左好多間分店，這次也是去我家附近的深水埗店，最近搬左過隔離鋪位，全新裝修又光猛又闊落，好坐過舊鋪位好多。堅信號一向好素食友善，宜家無左素食生煎包，但就有一系列素食麵和小菜，我之前食過擔擔麵都幾好食既，今次試下新出的咕嚕肉。最近推出這個超級得意永澤同學套餐，一套兩個包，上面有永澤同學的厭世樣子。新鋪頭裝修都幾靚，而且配合永澤同學套餐，店內掛滿卡通旗子和公仔卡牌，好似主題餐廳咁樣又幾正。店內堂食座位都幾多，有卡位坐仲有個較為隱秘的小間隔。小丸子迷一定要來拍照，尤其是喜歡side track人物的朋友。 甜酸菠蘿咕嚕肉(全素) HK$44這個咕嚕肉可以用優惠價配白飯或軟夾包，不過我唔太食澱粉質，所以齋食咕嚕肉就好開心。咕嚕肉份量唔算多，每舊肉都有個幾厚的炸粉殼，食起來脆口，配埋個酸甜汁係幾好食。 京汁茄子 HK$24 胡麻醬拌茄子(奶素) HK$24點解有兩個茄
最近見到堅信號上海生煎皇推出左永澤同學包子，因為個樣太得意，唔可以唔去食下！包子真的跟照片一模一樣，完全乎合商品說明條例，吃起來仲幾有咬口。吃可愛包子之餘，也順便試試幾款素食上海小菜，個純素咕嚕肉又真係同真既一樣味喎。
生煎皇原來已經開左好多間分店，這次也是去我家附近的深水埗店，最近搬左過隔離鋪位，全新裝修又光猛又闊落，好坐過舊鋪位好多。
堅信號一向好素食友善，宜家無左素食生煎包，但就有一系列素食麵和小菜，我之前食過擔擔麵都幾好食既，今次試下新出的咕嚕肉。
最近推出這個超級得意永澤同學套餐，一套兩個包，上面有永澤同學的厭世樣子。
新鋪頭裝修都幾靚，而且配合永澤同學套餐，店內掛滿卡通旗子和公仔卡牌，好似主題餐廳咁樣又幾正。
店內堂食座位都幾多，有卡位坐仲有個較為隱秘的小間隔。
小丸子迷一定要來拍照，尤其是喜歡side track人物的朋友。
甜酸菠蘿咕嚕肉(全素) HK$44
這個咕嚕肉可以用優惠價配白飯或軟夾包，不過我唔太食澱粉質，所以齋食咕嚕肉就好開心。咕嚕肉份量唔算多，每舊肉都有個幾厚的炸粉殼，食起來脆口，配埋個酸甜汁係幾好食。
京汁茄子 HK$24
胡麻醬拌茄子(奶素) HK$24
點解有兩個茄子呢？其實係我地叫胡麻醬茄子，但店員俾錯左京汁茄子，之後又補返碟俾我地，所以一共食左兩碟茄子。好采我鍾意食茄子，我覺得兩款都幾好食，而且茄子唔油膩又保持紫色，京汁就比較清爽刺激，麻醬就比較日系。
主角永澤同學包子出場了，白色的是奶黃包，綠色則是抹茶豆沙包，兩款都唔係流沙既。包子的質感幾扎實有咬口，入面的餡唔會太甜，唔算非常好食但都正路既，唔會得個樣影完相唔想食。
外賣的話有附送紙盒，聽店員講個包要蒸左先可以貼個樣，所以如果想買返屋企自己蒸就無公仔啦。另外有個壓力包鎖匙扣可以加錢買，食包係唔會送既。
最近市面有幾款卡通造型包子，我覺得永澤同學這個非主流角色最吸引，比較喜歡走諧星路線。
張貼
